Pagpauswag kan Satong Kakayahan sa Ministeryo—Abuton an Puso Gamit an “Magdanay Kamo sa Pagkamoot nin Dios”

KUN TAANO TA MAHALAGA: Dapat na manudan kan mga tawo an mga pamantayan ni Jehova asin mamuhay kauyon kaiyan para masamba siya sa paaging inaako niya. (Isa 2:3, 4) An librong “Pagkamoot nin Dios,” an ikaduwang libro na ginagamit ta sa pagtutukdo, nakakatabang sa mga tinutukduan ta sa Bibliya na masabutan kun paano ninda magagamit sa pang-aroaldaw na buhay an mga prinsipyo sa Bibliya. (Heb 5:14) Pag nagtutukdo, hinguwahon ta na abuton an saindang puso para magkaigwa sinda nin tamang motibasyon sa paggibo nin mga pagbabago.—Ro 6:17.

KUN PAANO GIGIBUHON:

• Mag-andam na marhay, na isinasaisip an mga pangangaipo kan tinutukduan. Mag-isip nin mga hapot na makakatabang sa saimo na maaraman an saiyang iniisip asin sabuot dapit sa pinag-aadalan.—Tal 20:5; be 259

• Gamiton an mga kahon sa libro tanganing matabangan an tinutukduan na mahiling an kahalagahan kan pag-aplikar kan mga prinsipyo sa Bibliya

• Tabangan an tinutukduan na mangatanusan sa mga bagay na depende sa konsiyensiya, pero bako ika an madesisyon para saiya.—Ga 6:5

• Mataktikang aramon kun kaipuhan kan tinutukduan mo nin tabang para iaplikar an sarong partikular na prinsipyo sa Bibliya. Mabuot siyang pahiruon na gumibo nin mga pagbabago basado sa pagkamuot niya ki Jehova.—Tal 27:11; Ju 14:31