PAMUMUHAY BILANG KRISTIYANO
Nuarin Giraray Ako Makakapag-auxiliary Payunir?
Ihinahayag sa bisyon ni Ezequiel dapit sa templo na an banwaan ni Jehova gikan sa buot na matao nin mga dulot. Paano kita personal na makikikabtang sa pagtao nin atang nin pag-umaw?—Heb 13:15, 16.
An saro sa pinakamarahay na paagi iyo an pag-auxiliary payunir. An 2018 taon nin paglilingkod igwa nin nagkapirang bulan na may limang Sabado o limang Domingo. Makakatabang ini lalo na sa mga may full-time na trabaho asin nakakaluwas sana pag Sabado o Domingo. Saro pa, puwedeng pumili an mga parahayag kun 30 o 50 oras an aabuton ninda durante kan bulan nin Marso saka Abril asin sa bulan kan pagdalaw kan paraataman nin sirkito.
Pero paano kun dai itinutugot kan satong kamugtakan na makapag-auxiliary payunir? Puwede niyatong pauswagon pa an kalidad kan satong ministeryo asin tibaad dagdagan pa an oras niyato diyan. Ano man an satong kamugtakan, lugod na pahiruon kita kan satong pagkamuot ki Jehova na gibuhon an satong pinakamakakaya sa 2018 taon nin paglilingkod!—Os 14:2.
Paano ko maaarog an kaigutan ni Sabina Hernández?
HILINGON AN VIDEO NA SA TABANG NI JEHOVA, MAKAKAYA KONG MAGIBO AN GABOS, DANGAN SIMBAGON AN MINASUNOD NA MGA HAPOT:
Ano an nakapahiro ki Sabina na dugangan pa an paglilingkod niya ki Jehova?
Paano ka napakusog kan halimbawa ni Sabina?
Sa 2018 taon nin paglilingkod, anong mga bulan ka puwedeng makapag-auxiliary payunir?