Introduksiyon sa Seksiyon 9

Maaaraman ta sa seksiyon na ini an manungod sa mga hoben, mga propeta, asin mga hadi na nagpahiling nin makusugon na pagtubod ki Jehova. Sa Siria, sarong daragitang Israelita an nagtutubod na mapapaumayan si Naaman kan propeta ni Jehova. Lubos an pagtitiwala ni propeta Eliseo na poprotektaran siya ni Jehova laban sa hukbo kan kalaban. Isinapeligro kan Halangkaw na Saserdoteng si Jehoiada an buhay niya para protektaran an aki pang si Jehoas laban sa marauton na lola kaini na si Atalia. Nagtiwala si Hading Hezekias na ililigtas ni Jehova an Jerusalem, asin dai siya nagpadara sa mga pananakot kan mga Asiriano. Hinali ni Hading Josias sa nasyon an pagsamba sa mga diyos-diyosan, hinirahay an templo, asin pinanginutan an nasyon sa pagbalik sa tunay na pagsamba.