Kun Taano ta Maninigo Kamong Mag-atender sa “Diosnon na Debosyon” na Pandistritong Kombension
Naghahalat saindo an kapakipakinabang na tolong aldaw na instruksion sa Biblia sa “Diosnon na Debosyon” na Pandistritong Kombension kan mga Saksi ni Jehova na magpopoon sa bulan na ini. Paagi sa nagtotokdong mga pahayag asin interbio asin drama, itatao an mahalagang paggiya kan Biblia. Magin presente sa alas 8:50 kan Biyernes nin aga sa pagpoon kan kombension paagi sa musikal na presentasyon.
An programa sa Biyernes nin aga magtatampok kan pahayag na “Avoiding Lips of Hurtfulness” asin sarong mahalagang pahayag manongod sa pinaghalean kan doktrina nin Trinidad. Sa hapon, pagigirumdoman an mga magurang na akoon an saindang moral na paninimbagan na tawan an saindang kaakian nin espirituwal na mana. Dangan, sasadolon an mga hobenes na gibohon nindang arogan si Cristo asin akoon ninda an katotoohan. An programa kan aldaw matatapos sa pag-orolay sa dakulang probisyon na ginibo partikularmente sa pagtabang sa mga hobenes.
An Sabado saro pang aldaw na pano nin instruksion na magtatampok kan bautismo sa aga asin sa hapon risang gayong mga pahayag manongod sa Kristianong Namamahalang Grupo asin kun paano kita makikooperar dian ngonyan. An mga sesyon sa hapon matatapos paagi sa mahalagang pahayag na “The Bible—God’s Word or Man’s?”
Sa Domingo nin aga, an napapanahon na instruksion magpapatanid tumang sa “tawo nin katampalasanan” asin tumang sa pagkalagalag dapit sa kakanon asin inomon, pamomostura, asin pag-aling-aling. (2 Tesalonica 2:3) Susundan ini nin modernong panahon na drama na nagdodoon kan kahalagahan kan pagpasakop niato sa Dios. Dangan, dai nindo mamawoton na malipasan an pahayag publiko na, “Deliverance Near for People of Godly Devotion!”
Durante kan Disyembre, 1989 asin Enero, 1990, 34 kombension an iniskedyul sa bilog na Pilipinas sana, kaya magkakaigwa nin saro na bakong harayo sa saindong harong. Aramon sa lokal na mga Saksi ni Jehova an oras asin lugar kan saro na pinakaharani saindo.
[Ritrato sa pahina 32]
Pandistritong kombension sa Verona, Italia