“Manarig ki Jehova” na Pandistritong Kombension—Dai Iyan Pagpalihison!

Tolong pano, kapakipakinabang na mga aldaw nin pagtotokdo sa Biblia asin maogmang Kristianong pag-iribaiba an naghahalat sa saindo sa “Manarig ki Jehova” na Pandistritong Kombension kan mga Saksi ni Jehova. Sa Disyembre asin Enero 32 na kombension an nakaiskedyul sa bilog na Pilipinas, kaya magkakaigwa nin saro na harani sa saindong harong. Iplanong makaatender poon sa enot na sesyon na mapoon sa alas 9:10 n.a. sa Biyernes, asin umatender sagkod sa huring sesyon sa Domingong hapon.

An enot na sesyon itatampok an pano nin impormasyon na pahayag na “Sarong Banwaan na Isiniblag sa Kinaban.” Sa hapon, itatao an prangka asin direktang hatol sa mga magurang dangan sa mga hobenes. An mga hobenes tatabangan na makalikay sa pagkaigwa nin masasabing dobleng buhay. Dangan an bagay na ini itatampok sa nakapahihirong drama sa modernong aldaw.

An tampok sa Sabadong aga iyo an pahayag manongod sa pagdusay asin bautismo, saka an pagtotokdo manongod sa mga paagi na ikapaheling niato an satong pagsarig ki Jehova, kaoyon sa tema kan kombension. An “Responsableng Pag-aki sa Panahon na Ini kan Katapusan” magigin pangenot na pahayag sa programa sa hapon, na tatapuson nin symposium nin mga pahayag sa temang “An Tataramon nin Dios Buhay.”

Itatampok sa programa sa Domingo an pahayag na “Biyong Ikabalde an Makasosopog na Gawe kan Kinaban,” saka an drama sa Biblia na nag-iilustrar kan pagigin masibot kan satong panahon. Sa hapon, an pahayag-publiko na “Sa Satong Makatatakot na mga Panahon, Siisay an Tunay na Masasarigan Nindo?” saro pang tampok kan kombension.

Ihapot sa lokal na mga Saksi ni Jehova an oras asin lugar kan kombension na pinakaharani sa saindo.