Hapot

● Paano nadedeterminaran an kahagadan na oras para sa saro na nagpalistang magpayunir pakalihis kan kapinonan kan taon nin paglilingkod?

An mga regular payunir maninigong maabot an kahagadan na 1,000 oras para sa sarong bilog na taon nin paglilingkod, na minapoon sa Setyembre 1 asin natatapos sa Agosto 31. An mga payunir na nagpoon pakalihis na kan kapinonan kan taon nin paglilingkod maninigong makaabot sa kahagadan na oras na kaproporsion kan bilang nin mga bulan na natatada sa taon na iyan nin paglilingkod. Halimbawa, an saro na nagpoon na magpayunir sa Marso 1 anom nang bulan na nakapagpayunir pag-abot nin Agosto 31 asin kaipuhan na magreport nin dai mababa sa 500 oras.

An pagreport nin 90 oras kada bulan pasohan na maninigong pag-aaboton nin gabos na payunir, minsan noarin sinda nagpoon. Paagi sa pag-iskedyul nin 90 oras sa ministeryo sa langtad kada bulan, an sarong payunir puwedeng makaatender sa mga asamblea asin kombension saka magbakasyon na dai nahuhuri sa taonan na kahagadan sa oras.

An mga may trabahong depende sa panahon puwedeng liwaton an saindang paagi sa pag-abot sa kahagadan na oras. Pero an kada payunir maninigong makaabot sa kahagadan na oras sa katapusan kan taon nin paglilingkod, baga man 1,000 oras para sa bilog na taon o an porsion kan oras na katimbang kan bilang nin mga bulan nin saiyang pagpapayunir sa laog kan taon na iyan.