Hapot

● Ano an maninigong magin punto-de-vista nin mga Saksi ni Jehova sa mga tape recording na bakong sa Sosyedad?

An Sosyedad nagtatao nin abundang espirituwal na kakanon sa laen-laen na porma, pati mga cassette tape recording. Kaiba digdi an mga recording kan Biblia, mga musikang pan-Kahadean asin nagkapirang drama. Minsan siring, kaipuhan kitang mag-ingat mapadapit sa pribadong mga tape recording na naglalakop asin garo baga kaagid man.

Kun beses an naglalakop na nakarekord na mga pahayag harani na sa pagbanabana o naggagamit nin may pasobrang impormasyon. Kaya bako daw madonong na kuyogon an hatol ni Pablo sa 2 Timoteo 3:14? Dian si Pablo, pakapagpatanid manongod sa mga impostor, nagdoon kan halaga na midbidon niato an mga tawong dinadangog niato. Kaipuhan na seguradohon niato na dai kita maghinanyog sa ano man na ‘lihis sa mga bagay na nasusurat’ sa Banal na Kasuratan asin sa espirituwal na pagkakan na itinatagama kan “maimbod asin madonong na oripon.”​—1 Cor. 4:​6; Mat. 24:​45-47.

An iba tibaad gumibo nin tape recording kan mga pagtiripon kan kongregasyon o mga programa sa asamblea o kombension para sa personal na gamit. An siring na mga recording tibaad pasalamatan man nin mga miembro kan kongregasyon na huli sa marahay na dahelan dai nakaatender sa mga pagtiripon. Minsan siring, an mga ini dai maninigong gibohon tanganing iwaras sa mga tugang sa pankagabsan o ialok na ipabakal sa iba. Lubos logod na gamiton niato an gabos na itinagama ni Jehova paagi sa saiyang organisasyon para sa satong espirituwal na pagpakosog asin pagparigon.