Pagpoon nin mga Pag-adal sa Biblia sa Librong Greatest Man
1 Mayo nin ikakokomparar sa kagayagayahan nin paghiras nin kaaraman sa iba paagi sa pag-adal sa Biblia sa harong.—Tal. 11:25.
2 Tanda kan Huring mga Aldaw: Kun ginamit nindo an suhestion sa sinundan na artikulo dapit sa tract na An Kinaban daw na Ini Magdadanay?, paano nindo ngonyan poponan an pag-adal sa librong Greatest Man? Buksan an libro sa kapitulo 111, asin basahon an primerong tolong parapo. Dangan puwede nindong ihapot an primerong hapot sa poro kan kapitulo: “Ano an naggiya sa paghapot kan mga apostol, pero ano pa an malinaw na nasa isip ninda?” Tabangan an kagharong na mangatanosan sa simbag, asin gamiton an ilustrasyon sa pagtokdo. Pakabasaha kan parapo kuwatro sagkod sais, ihapot an ikaduwang hapot: “Anong kabtang kan hula ni Jesus an naotob kan 70 C.E., pero ano an dai pa nangyari kaidto?” Kun risang interesado an kagharong asin igwa pang oras, ipadagos an pag-orolay nindo.
3 Kun an kagharong sibot sa oras na iyan, puwede nindong hapoton: “Boot daw nindong orog pang maaraman kun noarin mangyayari an katapusan kan palakaw nin mga bagay?” Dangan puwede nindong iareglo na bumalik tanganing simbagon an hapot.
4 Posible daw an Matoninong na Kinaban? Kun ginamit nindo an tract na Life in a Peaceful New World na gumiya pasiring sa librong Greatest Man, paano an kapitulo 133 makatatabang sa pagpoon nin pag-adal sa Biblia?
Pakabasaha kan 2 Pedro 3:13, puwede nindong basahon o sumaryohon an ikaduwang parapo sa pahina 3 kan tract dangan sabihon:
◼ “Si Jesu-Cristo iyo an magigin Hade sa Kahadean ni Jehova. Mangnoha kun paano an librong The Greatest Man Who Ever Lived ilinaladawan si Jesus asin isinasaysay sa sato an gigibohon nia sa ngapit.” Dangan basahon an bilog na kapitulo. Ihapot sa kagharong an primerong hapot sa poro kan kapitulo: “‘Ano an magigin maogmang pribilehiyo kan mga makaliligtas sa Armagedon asin kan saindang mga aki?’ [Pasimbagon.] Boot daw nindong magin kabtang kan bagong daga na pamamahalaan ni Jesus bilang Hade? Gusto kong magkaigwa nin oportunidad kada semana na tabangan kamong maheling sa Biblia kun paano ini puwedeng magin posible.”
5 An nagkapirang indibiduwal tibaad magin interesado man sa dugang pang pag-orolay dapit ki Jesus sa pagsongkong ini.
Puwede nindong sabihon:
◼ “An librong ini nagpapaliwanag kan buhay ni Jesus sa daga siring sa nasusurat sa apat na Ebanghelyo. Boot daw nindong makanood nin orog pa mapadapit kaini?” Kun oyon an kagharong, puwede nindong ipakipag-olay an primero sa mga milagro ni Jesus, sa kapitulo 15.
6 Tunay nanggad na an pag-alok na ihiras an mga katokdoan ni Jesu-Cristo paagi sa pag-adal sa Biblia sarong paghihingoang may pinakamaogmang balos.