Ialok an Librong Young People Ask
1 Minsan ngani an librong Revelation an itinatampok ngonyan na bulan, tibaad boot nindong ialok an librong Young People Ask kun kamo nakikipag-olay sa sarong magurang o sarong hoben na nahahadit dapit sa mga problema na napaaatubang sa mga hobenes.
2 Tibaad maheling nindo na angay na sabihon ini:
◼ “An pagigin sarong hoben ngonyan bakong pasil. An mga hobenes napaaatubang sa dakol na situwasyon na nagkakaipo nin importanteng mga desisyon. ‘Maninigo daw akong uminom nin arak? Magdroga? Anong paggawe an tama sa bakong kasekso?’ Kun naghahapot an mga hobenes manongod sa mga bagay na ini, parate sindang nag-aako nin nagkokorontrahan na simbag. Saen sa paghona nindo minadolok an dakol para sa sadol? [Pakomentohon.] An librong ini, Questions Young People Ask—Answers That Work, nagtatao nin nakatatabang na impormasyon. [Darahon an atension sa lista kan mga laog.] An mga hobenes nagkakaipo nin mga simbag na simple asin realistiko. Basado sa Biblia an mga simbag sa librong ini.”
3 Uya an saro pang pag-atubang na puwede nindong gamiton:
◼ “An mga hobenes napaiirarom sa dakol na pangigipit ngonyan. Kaipuhan ninda nin tabang tanganing makapanggana. Kun hinihingoa niatong tabangan sinda, dai daw kita naghahanap nin bagay na nagtatao nin praktikal na paggiya? [Pasimbagon.] An iba sa pinakagrabeng mga pangigipit naggigikan sa saindang mga kaedad. Mangnoha an mga retrato sa pahina 76 asin 77 sa librong ini. [Darahon an atension sa mga kapsion asin sa italikong mga parapo sa pahina 77.] An minasunod na mga pahina sa kapitulong ini nagtatao nin sadiosan, epektibong mga simbag.”
4 Siertong ini na an “delikadong mga panahon na masakit pakibagayan,” nangorogna para sa mga hobenes. (2 Tim. 3:1) An librong Young People Ask talagang makatatabang sa sarong hoben na mapangganang atubangon an mga pangigipit ngonyan. An 39 kapitulo pano-pano nin ilustrasyon, asin an mga artikulo realistiko asin praktikal. Kaya kun minalataw an okasyon, magin alisto na gamiton an magayon na publikasyon na ini.