Pag-aadalan Niato an Librong Kaogmahan nin Pamilya
Maoogma kamong maaraman na poon sa semana nin Oktubre 6-12, 1997, pag-aadalan niato an librong An Sekreto sa Kaogmahan nin Pamilya sa Pag-adal sa Libro kan Kongregasyon. Mayo ni saro na bobooton na malipasan an pag-adal kan grupo kan praktikal na Makakasuratan na giyang ini para sa sarong maogmang buhay pampamilya. An iskedyul sa pag-adal nagtatao nin supisyenteng panahon para sa maingat na pagsiyasat kan kada parapo asin teksto sa Biblia na nasa libro.
Kokonsideraron an bilog na enot na kapitulo sa enot na semana kan pag-adal, huling kadikit sana an bakong kotadong teksto na yaon dian. Sa iyo man sanang rason, pag-aadalan an kapitulo 15 sa saro sanang sesyon. Minsan siring, an gabos na iba pang kapitulo babangaon sa duwang kabtang, na mga kabanga nin sarong kapitulo an pag-aadalan kada semana. Sa siring, magkakaigwa nin supisyenteng panahon na basahon asin pag-olayan an gabos na sitadong teksto siring man siyasaton nin maingat an aplikasyon nin gabos na kotadong teksto sa kada parapo.
An sarong importanteng tampok kan pag-adal iyo an pag-orolay sa materyal na nasa kahon sa pagtokdo sa katapusan kan kada kapitulo. Kun siring, maninigong magtagama nin bastanteng panahon tanganing konsideraron an mga hapot asin an sitadong mga teksto na nasa kahon.
Sinasadol an mga nagkokondukta kan Pag-adal sa Libro kan Kongregasyon na magtaong espesyal na atension sa saindang pag-andam para sa pag-adal asin enkaminaron an gabos na iinasignar sa saindang grupo, kabale an mga bagohan, na mag-andam nin marhay asin regular na umatender.—om-E 74-6.