Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • km 11/00 p. 7
  • Hapot

Mayong video na available para digdi.

Sori, may error sa pag-load kan video.

  • Hapot
  • An Satong Ministeryo sa Kahadean—2000
  • Kaagid na Materyal
  • Dai Paglingawan an mga Inaktibo
    An Satong Ministeryo sa Kahadean—2007
  • Pagtabang sa mga Inaktibo
    An Satong Ministeryo sa Kahadean—1987
  • Hapot
    An Satong Ministeryo sa Kahadean—1998
  • “Bumalik Kamo Sako”
    An Torrengbantayan Nagpapahayag kan Kahadian ni Jehova (Pag-aadalan)—2020
Iba Pa
An Satong Ministeryo sa Kahadean—2000
km 11/00 p. 7

Hapot

◼ Paano an saro na nagin inaktibo sa halawig na panahon matatabangan na makualipikar giraray bilang parahayag kan maogmang bareta?

Kun an sarong inaktibo nagtatao nin ebidensia na sia igwa nin odok sa pusong pagmawot na maglingkod ki Jehova, ini sarong dahelan nin kagayagayahan. (Luc. 15:​4-6) Posibleng marhay na tinogotan kan indibiduwal na iyan an pagtumang o mga pangigipit sa buhay na mawaran nin lugar an saiyang personal na pag-adal, pag-atender sa mga pagtiripon, asin pakikikabtang sa ministeryo sa langtad. Paano pinakamarahay na ikatatao an personal na tabang tanganing sia umoswag sa espirituwal?

Kita gabos maninigong gumibo nin inisyatiba na siertohon giraray sa sarong ini an satong tunay na Kristianong pagkamoot sa saiya. An kamagurangan listo na dedeterminaran an saiyang espesipikong espirituwal na mga pangangaipo. (Sant. 5:​14, 15) Kun nagin inaktibo sa halipot sanang panahon, an tabang nin sarong eksperyensiadong parahayag tibaad iyo sana an kaipuhan tangani na mareaktibar an indibiduwal na iyan sa paglilingkod sa langtad. Minsan siring, kun an inaktibo dai nakiasosyar sa kongregasyon sa halawig na panahon, orog pang tabang an posibleng kaipuhan. Tangani na mapatalubo an pagtubod asin pag-apresyar, tibaad kaipuhan an personal na pag-adal sa Biblia sa sarong angay na publikasyon. Sa kamugtakan na iyan, iaareglo kan paraataman sa paglilingkod an sarong kualipikadong parahayag na magkondukta kan pag-adal. (Heb. 5:​12-​14; helingon an “Hapot” sa An Satong Ministeryo sa Kahadean na Nobyembre 1998.) Kun may midbid kamong saro na nangangaipo nin siring na tabang, kaolayon an paraataman sa paglilingkod sa saindong kongregasyon.

Bago imbitaran an haloy nang inaktibo na makikabtang giraray sa ministeryo, marahay na sia kaolayon nin duwang magurang sa kongregasyon tangani na masierto kun sia kualipikadong magin parahayag kan Kahadean. Susundon ninda an prosedimiento na kapareho kan ginagamit kun kinakaolay an mga bagohan na naghihingoang makualipikar bilang mga parahayag kan maogmang bareta. (Helingon an Torrengbantayan na Disyembre 1, 1988, pahina 15 [w88-E 11/15 p. 17].) An inaktibo maninigong magkaigwa nin odok na pagmawot na ihiras sa iba an maogmang bareta. Kaipuhan man niang aboton an pundamental na mga kahagadan na sinabi sa pahina 98-9 kan librong Our Ministry asin magin regular sa pag-atender sa mga pagtiripon kan kongregasyon.

An pagkaigwa nin marahay na espirituwal na kaugalean dakula an magigibo sa pagtabang sa minabalik na mapakosog asin mapagdanay an saiyang mahal na marhay na relasyon ki Jehova asin padagos na maglakaw sa dalan pasiring sa buhay na daing katapusan. (Mat. 7:​14; Heb. 10:​23-​25) An “gabos na odok na paghihingoa” nia asin pagpatalubo nin Kristianong mga kualidad na nagdadanay maolang sa saiya na magin giraray “inaktibo o daing bunga” bilang Kristianong disipulo.​—2 Ped. 1:​5-8.

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share