Kun Ano an Sasabihon Manongod sa mga Magasin

An Torrengbantayan Nob. 15

“Nadangog na niato an pananaram na ‘Si Jesus nagliligtas’ o ‘Si Jesus nagadan para sa sato.’ [Kotaron an Juan 3:16.] Napag-isip-isip na daw nindo kun paano an kagadanan nin sarong tawo puedeng makaligtas sa sato gabos? [Pasimbagon.] An Biblia nagtatao nin simpleng simbag. An artikulong ini na, ‘Si Jesus Nagliligtas​​—Paano?,’ malinaw na ipinaliliwanag iyan.”

Awake! Nob. 22

“Ginigibo daw nin mga tawo an gabos na makakaya ninda tangani na maprotehiran an palibot? [Pasimbagon.] Dakol an nag-iisip-isip kun an delikadong pagkatimbang kan mga bagay na nabubuhay sa daga saka kan saindang palibot makapagpapadagos sagkod sa panahon na daing talaan. Nakaoogma na an Dios interesadong marhay. [Basahon an Nehemias 9:6.] Tinotokar kan Awake! kun ano an nakatagama sa ngapit para sa buhay digdi sa daga.”

An Torrengbantayan Dis. 1

“Sa panahon na ini kan taon, dakol na tawo an sibot-sibot sa pagregalo asin iba pang mga gibo nin kabootan. Ipinagigirumdom kaiyan sa sato an Bulawan na Reglamento sa Paggawe. [Basahon an Mateo 7:12.] Sa paghona daw nindo posibleng mamuhay kaoyon kan reglamentong iyan sa bilog na taon? [Pasimbagon.] An magasin na ini nagtatao nin dakol na leksion manongod sa ‘An Bulawan na Reglamento sa Paggawe​​—Iyan daw Praktikal Sagkod Ngonyan?’”

Awake! Dis. 8

“Nanunuga an Biblia na maabot an aldaw na mayo nin masabing, ‘Naghehelang ako.’ [Basahon an Isaias 33:24.] Kaoyon kan panugang iyan, an luwas na ini kan Awake! nagkokonsentrar sa sarong helang na nagpapasakit nin makuri sa minilyon na tawo, mga hoben asin gurang. Iyan may temang ‘Hope for Arthritis Sufferers.’ Segurado ako na manonompongan nindo an mga artikulong ini na nakapagtotokdo.”