Kun Ano an Sasabihon Manongod sa mga Magasin

An Torrengbantayan Dis. 15

“Sa panahon na ini kan taon, an kadaklan nag-iisip manongod ki Jesu-Cristo, baga man sinda nagtutubod sa saiya o dai. An nagkapira nagsasabi na sia bakong tunay na persona. Ano an opinyon nindo? [Pakasimbag, basahon an Mateo 16:​15, 16.] Segurado ako na maoogma kamong basahon an artikulong ini manongod sa ‘An Tunay na Jesus’ tangani na masabotan kun paano sia nakaaapektar sa saindo ngonyan asin makaaapektar sa saindo sa ngapit.”

Awake! Dis. 22

“Dai daw kamo maoyon na tangani na magin ligtas an buhay, kakaipuhanon niato an ligtas, masasarigan na suplay nin kakanon? [Pasimbagon.] Mangnoha an ipinanuga nin Dios sa saiyang banwaan kaidtong mga panahon kan Biblia. [Basahon an Levitico 26:​4, 5.] Tinotokar kan Awake! an mga kahaditan ngonyan manongod sa satong kakanon. Iyan nagtotokdo sa panahon na tatawan kita nin Dios nin seguridad sa bilog na daga.”

An Torrengbantayan Ene. 1

“Iniisip-isip daw nindo kun taano an nagkapirang tawo ta garo baga maginhawa an buhay mantang an iba naglalapigot tangani na makapaghanap-buhay? An Biblia may sinasabi manongod kaini. [Basahon an Job 34:19.] Ipinaliliwanag sa magasin na ini kun paano intension nin Dios na gibohon na bagay na nakalihis na an pagpalaenlaen huli sa kamugtakan sa buhay.”

Awake! Ene. 8

“Aram niato gabos an manongod sa nakatatanyog sa kinaban na trahedyang ini. Poon kaidto, an mga tawo nangangaipo nin dakulaon na karangahan asin tabang. An artikulong ini, kabilang sa iba pang mga bagay, nagpapaliwanag kun ano na an ginigibo kan mga Saksi ni Jehova sa pagtabang sa mga nakaligtas, sa mga nagtatrabaho sa emerhensia, asin sa mga nagadanan.”