Kun Ano an Sasabihon Manongod sa mga Magasin

An Torrengbantayan Peb. 15

“Napag-isip-isip na daw nindo kun paano pinakamarahay na magigiyahan an saindong buhay asin magibo nin mayor na mga desisyon? [Pasimbagon.] An nagkapira sa pinakamarahay na giya, arog baga kan Bulawan na Reglamento sa Paggawe, makukua sa Biblia. [Basahon an Mateo 7:12.] Ano pang ibang diosnon na mga prinsipyo an direktamenteng pakikinabangan ta? Makukua nindo an simbag sa magasin na ini.”

Awake! Peb. 22

“Tibaad narisa nindo na an dakol na pinagtatrabawohan nagin mas peligroso. An magasin na ini igwa nin marahayon na mga suhestion sa kun paano iyan magigibong mas ligtas. Ipinaheheling man kaiyan na an satong ikararahay konektado sa kun baga kita igwa nin timbang na pagmansay sa sekular na trabaho. Basahon tabi nindo iyan.”

An Torrengbantayan Mar. 1

“Huli sa gabos na nangyayari ngonyan, an kadaklan sa sato nag-iisip-isip kun ano an nakatagama sa ngapit. Sa sarong bantog na pamibi, ihinayag ni Jesu-Cristo an dahelan kun taano ta makalalaom kita sa ngapit na may kompiansa. [Basahon an Mateo 6:​9, 10.] Inootro kan katawohan an mga sala na nagibo haloy nang panahon an nakaagi. Alagad kan mga aldaw na idto, an mga naglingkod sa Dios nagkaigwa nin maogmang ngapit. Ipinaheheling kan magasin na ini kun paano man kita magkakaigwa nin maogmang ngapit.”

Awake! Mar. 8

“Idinodoon kan Biblia an importansia nin marahay na edukasyon. [Basahon an Talinhaga 2:​10, 11.] An kadaklan sa sato nakarerealisar kun gurano kahalagang marhay para sa mga aki na magkaigwa nin kualipikadong mga paratokdo. Itinatampok kan Awake! an importanteng papel nin mga paratokdo, kun paano niato maninigong apresyaron an saindang mga pagsasakripisyo, asin kun ano an magigibo nin mga magurang tangani na matabangan sinda sa masakit na angat sa sainda.”