Dapat Nindong Dalanon an Video na No Blood—Medicine Meets the Challenge
Gurano an aram mo manongod sa mga opsion na makukua sa langtad nin medisina na dai naggagamit nin dugo? Nasasabotan mo daw kun ano an nagkapira sa mga alternatibo sa pag-ineksion nin dugo asin kun gurano iyan kaepektibo? Dalanon an video na ini, asin baloon an saimong kaaraman paagi sa minasunod na mga hapot.—Pasabot: Huling kaiba sa video an halipot na mga eksena nin pag-operar, maninigo na an mga magurang gumamit nin diskresion sa pagdalan kan video kaiba an sadit na mga aki.
(1) Ano an pangenot na rason kun taano an Mga Saksi ni Jehova ta nagsasayumang magpaineksion nin dugo, asin saen manonompongan sa Biblia an prinsipyong iyan? (2) Kun mapadapit sa medikal na pag-asikaso, ano an mawot niato? (3) Ano an pundamental na deretso nin mga pasyente? (4) Taano ta rasonable asin responsable an magsayumang paineksion nin dugo? (5) Kun mangyari an grabeng pagkawara nin dugo, ano an duwang apretadong prioridad nin mga doktor? (6) Anong mga peligro sa salud an kalabot sa pag-ineksion nin dugo? (7) Ano an nagkapira sa mga kasangkapan na magagamit nin mga siruhano tanganing mainaan an pagkawara nin dugo durante nin operasyon? (8) Ano an maninigo na booton nindong ipaaram sa saindo mapadapit sa ano man na alternatibo sa pag-ineksion nin dugo? (9) Puede daw na gumibo nin seryoso asin komplikadong mga operasyon na mayo nin pag-ineksion nin dugo? (10) Ano an andam na gibohon nin nagdadakol na doktor para sa Mga Saksi ni Jehova, asin ano an tibaad pag-abot nin panahon magin pamantayan nin pag-asikaso sa gabos na pasyente?
Daing duwa-duwa na makakatabang na dalanon an video na No Blood kaiba an siisay man na mga inaadalan sa Biblia, mga agom o paryente na bakong Saksi, katrabaho, paratokdo, asin kaeskuela na tibaad magpalataw nin mga hapot manongod sa satong paninindogan sa dugo. Nasa indibiduwal na asin sono sa konsensiang desisyon an pag-ako sa ano man na pagbolong na iprinesentar sa video.—Helingon an “Mga Hapot Hale sa mga Parabasa” sa Hunyo 15 asin Oktubre 15, 2000 na isyu kan An Torrengbantayan.