Makinabang sa Video na No Blood—Medicine Meets the Challenge
Gurano kadakol kan aram nindo manongod sa mga opsion na makukua sa langtad nin pagbolong na dai naggagamit nin dugo? Nasasabotan daw nindo kun ano an nagkapirang alternatibo sa pag-ineksion nin dugo asin kun ano an imbuelto dian? Dalanon an video na ini, asin baloon an saindong kaaraman paagi sa minasunod na mga hapot.—Pasabot: Huling an video may kaibang halipot na mga eksena sa operasyon, nasa diskresion na nin mga magurang an pagdesisyon kun baga maninigong dalanon iyan kan sadit na mga aki ninda.
(1) Ano an pangenot na rason kun taano an Mga Saksi ni Jehova ta nagsasayumang magpaineksion nin dugo, asin saen manonompongan sa Biblia an prinsipyong iyan? (2) Kun mapadapit sa medikal na pag-asikaso, ano an mawot niato? (3) Ano an pundamental na deretso nin mga pasyente? (4) Taano ta rasonable asin responsable an pagsayuma na magpaineksion nin dugo? (5) Kun may grabeng pagkawara nin dugo, ano an duwang apretadong prioridad nin mga doktor? (6) Anong mga peligro sa salud an kalabot sa pag-ineksion nin dugo? (7) Ano an nagkapira sa mga kasangkapan na magagamit nin mga siruhano tanganing mainaan an pagkawara nin dugo durante nin operasyon? (8) Ano an maninigo na booton nindong ipaaram sa saindo mapadapit sa ano man na alternatibo sa pag-ineksion nin dugo? (9) Puede daw na gumibo nin seryoso asin komplikadong mga operasyon na mayo nin pag-ineksion nin dugo? (10) Ano an andam na gibohon nin nagdadakol na doktor para sa mga Saksi ni Jehova, asin ano an tibaad pag-abot nin panahon magin pamantayan nin pag-asikaso sa gabos na pasyente?
Nasa indibiduwal na asin sono sa konsensia an desisyon kun aakoon an ano man na pagbolong na iprinesentar sa video.—Helingon an Torrengbantayan na Hunyo 15, 2004, p. 22-4, 29-31, asin an Torrengbantayan na Oktubre 15, 2000, p. 30-1.