Kun Ano an Sasabihon Manongod sa mga Magasin

An Torrengbantayan Hun. 15

“May mga naniniwala na si Jesus iyo an pinakadakulang tawo sa kasaysayan. An iba nagdududa kun baga nag-eksister ngani sia. Sa paghona daw nindo mahalaga kun ano an pinaniniwalaan niato manongod sa saiya? [Pagkatapos na sumimbag, basahon an Gibo 4:12.] Ano an ebidensia na si Jesus talagang nabuhay sa daga? Sinisiyasat kan magasin na ini an hapot na iyan.”

Awake! Hun. 22

“Dakol na tawo an nahahadit manongod sa kamugtakan nin palibot. Sa paghona daw nindo posible pa na mapreserbar an tropikal na mga kadlagan kan kinaban? [Pasimbagon.] Isinasaysay kan magasin na ini an presenteng mga paghihingoa tanganing isalbar an mga kadlagan sa tropiko. Tinotokar man kaiyan kun paano maootob an magayon na panugang ini hale sa Dios.” Basahon an Isaias 11:9.

An Torrengbantayan Hul. 1

“An saro sa satong pinakapundamental na pangangaipo bilang tawo iyo na kita mamoot asin kamotan. [Basahon an kapsion na kotasyon sa pahina 4.] Pero, narisa daw nindo na an modernong sosyedad may tendensiang tawan nin prioridad an ibang mga bagay? [Pasimbagon.] Tinotokar kan magasin na ini kun ano an tunay na pagkamoot asin kun paano iyan mapatatalubo.” Basahon an 1 Corinto 13:2.

Awake! Hul. 8

“Para sa dakol na tawo nakapupurisaw an pag-orog nin mga akto nin daing saysay na kadahasan. [Magsitar nin sarong halimbawa na aram sa lokal, asin pasimbagon.] Sinisiyasat kan magasin na ini an nagkapira sa mga dahelan na nakakokontribwir sa madahas na krimen. Ipinapaliwanag man kaiyan kun paano biyong hahaleon nin Dios an krimen asin kadahasan.” Basahon an Salmo 37:10, 11.