Kun Ano an Sasabihon Manongod sa mga Magasin

An Torrengbantayan Abr. 15

“May mga naniniwala na an gabos na bagay na nangyayari sa buhay, pati an mga trahedya, kabotan nin Dios. Napaghorophorop na daw nindo iyan? [Pasimbagon.] Dakol an nakakaaram kan pamibing ini. [Basahon an Mateo 6:10b.] Ano an kabotan nin Dios para sa daga, asin noarin iyan lubos na maootob? Itinatao kan magasin na ini an simbag kan Biblia.”

Awake! Abr. 22

“Sa kinaban ngonyan, may mga nawawaran na nin paglaom. Arog man daw kaiyan kun beses an pagmate nindo? [Pasimbagon. Dangan basahon an Roma 15:4.] An kadaklan na tawo minimidbid an kahalagahan kan pagkaigwa nin paglaom. Maoogma kamong estudyaran an pitong dahelan na sono sa Kasuratan para sa paglaom na iinaatubang sa isyung ini kan Awake!”

An Torrengbantayan Mayo 1

“Sa paghihingoa na paoswagon an sosyedad nin tawo, may mga namomoon sa relihion na nakilabot sa politika. Minsan siring, mangnoha an ginibo ni Jesus kan boot nin mga tawo na gibohon siang hade. [Basahon an Juan 6:15.] Nagkonsentrar si Jesus sa sarong bagay na magtatao nin nagdadanay na karahayan sa iba. Ipinapaliwanag kan magasin na ini kun ano iyan.”

Awake! Mayo 8

“Dakol an napapaatubang sa masakit na mga situwasyon sa trabaho. An nagkapira riniribok pa ngani nin mga katrabaho. Aram daw nindo na an Biblia igwa nin sadol na makakatabang sa sato na mapangganahan an siring na mga kadepisilan? [Pasimbagon. Dangan basahon an Talinhaga 15:1.] Itinatao kan magasin na ini an praktikal na mga suhestion kun paano papagdadanayon an pakipagkatoninongan sa iba sa trabaho.”