Repaso kan Aldaw nin Espesyal na Asamblea

Gagamiton ini tangani na patienot na maheling asin marepaso an programa sa aldaw nin espesyal na asamblea para sa 2005. An artikulong “Bagong Areglo Para sa Pagrepaso kan mga Programa sa Asamblea,” na yaon sa pahina 4 kan suplementong ini, nagpapaliwanag kun paano ini gigibohon. Durante kan repaso, barangabangaon an oras tangani na mapag-olayan an gabos na hapot. An repaso maninigong magkonsentrar sa kun paano niato ikakaaplikar an impormasyon na iprinesentar.

SESYON SA AGA

1. Taano ta paorog nang paorog an pangangaipo na maghinanyog ki Jehova? Ano an kahulogan kan paghinanyog? (“Kun Taano ta Dapat na Maghinanyog sa Tingog ni Jehova”)

2. Paano mapapagdanay nin mga pamilya an marahay na programa nin espirituwal na aktibidad? (“Mga Pamilya na Naghihinanyog sa Tataramon nin Dios na Mayo nin Disturbo”)

3. Paano inaprobetsaran kan mga nasa sirkito an mga oportunidad na magpatotoo nin impormal? (“Paggibo kan Gabos na Bagay sa Ikakamuraway nin Dios”)

4. Anong mga leksion an manonodan niato sa panalmingan na yaon sa Hebreo kapitulo 3 asin 4? Paano si Jehova nakikipag-olay sa sato ngonyan? (“An Paghinanyog Kun Nagtataram an Dios Nagpoprotehir sa Sato”)

5. Paano kamo nakinabang sa pahayag sa bautismo? (“Pagdusay Asin Bautismo”)

SESYON SA HAPON

6. Ano an maririsa niato manongod ki Jesus kan sia hoben pa, asin paano inaarog kan mga hoben sa sirkito an saiyang halimbawa? (“Kun Paano an Atentong Paghinanyog sa Tataramon nin Dios Nagpapasarig sa Satong mga Hoben”)

7. Ano an nagkapirang paagi na puede nang ponan kan mga magurang an pagsasanay sa mga omboy asin saradit na aki sa mga dalan ni Jehova? (“Saradit na Aki na Naghihinanyog sa Dios Asin Nakakanood”)

8. Ano an nagkapirang espesipikong kabtang na dian kaipuhan kitang magtao nin atension ki Jehova, sa saiyang Aki, asin sa “maimbod asin mapagmansay na oripon”? (Mat. 24:45) Taano ta mahalagang marhay na gibohon niato iyan? (“Pirmeng Magtao nin Atension sa Pagtotokdo nin Dios”)