Repaso sa Aldaw nin Espesyal na Asamblea

Gagamiton ini sa programa kan Pagtiripon sa Paglilingkod dai mahaloy bago asin dai mahaloy pakatapos na umatender an kongregasyon sa aldaw nin espesyal na asamblea para sa 2006. Iaareglo kan nangengenot na paraataman an preliminaryong pag-atubang asin pagrepasong ini, arog kan itinao sa An Satong Ministeryo sa Kahadean na Disyembre 2004, pahina 4. Durante kan repaso, maninigong ibangon an gabos na hapot, na ikinokonsentrar an atension sa kun paano niato ikakaaplikar an impormasyon na iprinesentar.

SESYON SA AGA

1. Ano an kahulogan kan papagdanayon na simple an mata, asin taano iyan ta depisil ngonyan? (“Taano ta Dapat na Papagdanayon na Simple an Saindong Mata?”)

2. Paano kita nakikinabang sa pagpapadanay nin simpleng mata? (“Mag-ani nin mga Bendisyon sa Pagpapadanay nin Simpleng Mata”)

3. Ano an peligro sa dakol na normal daang aktibidad? (“Pagpapadanay nin Simpleng Mata sa Sarong Maraot na Kinaban”)

SESYON SA HAPON

4. Paano eenkaminaron nin mga magurang asin nin iba pa an mga hoben na pag-aaboton an espirituwal na mga pasohan? (“Mga Magurang na Iinaasentar nin Tama an Saindang mga Pana” asin “Mga Hoben na Naghihingoang Aboton an Espirituwal na mga Pasohan”)

5. Paano kita maoswag kadungan kan organisasyon ni Jehova (a) bilang mga indibiduwal? (b) bilang mga pamilya? (c) bilang sarong kongregasyon? (“Magkonsentrar sa Pag-oswag Kadungan kan Organisasyon ni Jehova”)