Repaso sa Pansirkitong Asamblea

Gagamiton ini sa programa kan Pagtiripon sa Paglilingkod dai mahaloy bago asin dai mahaloy pakatapos na umatender an kongregasyon sa pansirkitong asamblea para sa 2006. Iaareglo kan nangengenot na paraataman an preliminaryong pag-atubang asin pagrepasong ini, arog kan itinao sa An Satong Ministeryo sa Kahadean na Disyembre 2004, pahina 4. Durante kan repaso, maninigong ibangon an gabos na hapot, na ikinokonsentrar an atension sa kun paano niato ikakaaplikar an impormasyon na iprinesentar.

ENOT NA ALDAW

1. Paano niato isinusulog an bagong personalidad, asin taano ta dapat niatong papagdanayon iyan?

2. Paano dinugangan nin nagkapira an saindang pakikikabtang sa paghuhulit?

3. Taano ta maninigo niatong likayan an pagkomparar kan satong sadiri sa iba?

4. Paano ikakapaheling kan mga miembro nin pamilya an bagong personalidad sa laog kan pamilya?

5. Paano kita makakapaheling nin maimbod na pagsuportar sa laog kan kongregasyon?

6. Taano ta kaipuhan niatong ipaheling an bagong personalidad sa ministeryo sa langtad?

7. Ano an kaiba sa tamang paghorophorop, asin paano kita nakikinabang sa siring na paghorophorop?

8. Anong mga kualidad an magpapangyari sa sato na madaling mamolde sa mga kamot ni Jehova?

IKADUWANG ALDAW

9. Gurano kaimportante na gamiton nin tama an satong dila?

10. Ano an mga pakinabang sa kapakipakinabang na pakikipag-olay sa mga katrabaho, kaeskuela, asin iba pa?

11. Paano niato ikakaaplikar an hatol ni Pablo sa Efeso 4:25-32 sa satong mga pakikiiba sa mga kapagtubod?

12. Ano an pinakakagalanggalang na paggamit kan satong dila?

13. Ano an dapat niatong gibohon tanganing madaog an maraot?

14. Sa anong mga bagay maninigo kitang maghingoa na magdanay na mayo nin digta kan kinaban?

15. Taano ta dapat niatong bagohon aroaldaw an satong pagkatawo sa laog, asin paano niato iyan magigibo?

16. Anong hatol sa programa kan pansirkitong asamblea ngonyan na taon an pinaplano nindong iaplikar?