Gumibo nin Praktikal na Pampamilyang Iskedyul

¹ Sa Sermon sa Bukid, sinadol ni Jesus an mga naghihinanyog sa saiya: “Kun siring, padagos na hanapon nguna an kahadean asin an saiyang katanosan.” (Mat. 6:33) An sarong praktikal na paagi nin pagplano kan mga aktibidad kan pamilya tanganing matawan nin prioridad an espirituwal na mga bagay iyo an pagkaigwa nin nakasurat na iskedyul. Magtao nin pirang minuto tanganing gibohon an sadiri nindong semanal na pampamilyang iskedyul, na ginagamit an blangkong iskedyul na nasa pahina 6 kan suplementong ini. Bilang sarong pampamilyang proyekto, an nagkapira tibaad gustong guntingon an lista nin mga iskedyul na nasa pahina 6 asin idukot iyan sa blangkong iskedyul. An iba tibaad mas gustong isurat dian mismo an mga aktibidad.

² An sampol na iskedyul na yaon sa ibaba puedeng makatabang mantang ginigibo nindo an saindong iskedyul. Maririparo nindo na apat sanang pundamental na aktibidad an kaiba dian: (1) pag-atender sa mga pagtiripon kan kongregasyon, (2) pampamilyang paglilingkod sa langtad, (3) an pampamilyang pag-adal, asin (4) an pag-orolay sa pan-aroaldaw na teksto. An pag-iba kaini sa iskedyul nindo makakatabang saindo na ‘siertohon an orog na mahalagang mga bagay.’ (Fil. 1:10) An dugang pang suhestion sa apat na kabtang na ini yaon sa pahina 4-5.

³ An saindong pampamilyang iskedyul dai kaipuhan na limitado sana sa apat na aktibidad na iyan. Kun nag-aandam kamo para sa nagkapirang pagtiripon bilang pamilya, isurat iyan sa saindong iskedyul. Kun magkairiba nindong binabasa an sarong kabtang sa Biblia pagkatapos na pag-olayan an pan-aroaldaw na teksto o ginigibo iyan sa ibang panahon, isurat iyan. Kun sa parate nakikikabtang kamo sa sarong klase nin pampamilyang pag-aling-aling, tibaad boot nindong iiba iyan sa saindong iskedyul.

⁴ Ibagay an saindong pampamilyang iskedyul tangani na matawan nin lugar an mga pangangaipo asin kamugtakan kan gabos na kasararo sa harong. Sa panapanahon siyasaton kun gurano kaepektibo iyan, asin gumibo nin mga pagliliwat kun kaipuhan.

[Tsart sa pahina 3]

Sampol nin Pampamilyang Iskedyul

Aga Hapon Banggi

Dom. Pan-aroaldaw

na Teksto

Pampublikong Pahayag asin

Pag-adal sa Torrengbantayan

Lun. Pan-aroaldaw Pampamilyang Pag-adal

na Teksto

Mar. Pan-aroaldaw Pag-adal sa Libro

na Teksto kan Kongregasyon

Mier. Pan-aroaldaw

na Teksto

Hue. Pan-aroaldaw Teokratikong Paadalan

na Teksto sa Pagmiministro

asin Pagtiripon

sa Paglilingkod

Bier. Pan-aroaldaw

na Teksto

Sab. Pan-aroaldaw

na Teksto

Pampamilyang Paglilingkod

sa Langtad

(Aldaw nin Pagwaras

nin Magasin)

[Tsart sa pahina 6]

Pampamilyang Iskedyul

Aga Hapon Banggi

Dom.

Lun.

Mar

Mier.

Hue.

Bier.

Sab.

.................................................................