Kun Ano an Sasabihon Manongod sa mga Magasin

An Torrengbantayan Abr. 15

“Haros gabos minaoyon na saro sa mga mahalagang liabe sa maogmang buhay pampamilya iyo an marahay na komunikasyon, alagad ta dakol na tawo an nadedepisilan na gumibo nin marahay na pakikikomunikar. Taano sa paghona nindo ta siring kaiyan? [Pasimbagon.] An magasin na ini nagtatao nin mga suhestion sa pagpapatalubo nin mga abilidad sa pakikikomunikar.” Basahon an Santiago 1:19.

Awake! Abr.

“Dakol na tawo an nagsasabi na an krus nakakatabang sa sainda na orog na maparani sa Dios. Minsan siring, an nagkapira nag-iisip-isip: Tama daw na tawan nin dakulang paggalang an instrumento na ginamit sa paggadan ki Jesus? Si Jesus daw talagang nagadan sa krus? An artikulo na nagpopoon sa pahina 12 sinisiyasat an mga hapot na ini basado sa punto de vista kan Biblia.” Basahon an Gibo 5:30.

An Torrengbantayan Mayo 1

“An minilyon na tawo sa bilog na kinaban nagsasapo kan makologon na mga epekto nin kadukhaan. Ano sa paghona nindo an magigibo tangani na matabangan sinda? [Pasimbagon. Dangan basahon an 1 Pedro 2:21.] Ipinapaliwanag kan magasin na ini kun paano niato maaarog an halimbawa ni Jesus sa pagpaheling nin pagmakolog sa mga dukha.”

Awake! Mayo

“Napag-isip-isip na daw nindo kun taano ta kita naggugurang? [Pasimbagon.] An paliwanag kan Biblia manongod sa kun taano ta kita naggugurang nagpapaheling kun paano ginibong posible nin Dios na kita magkamit nin buhay na daing katapusan. [Basahon an Isaias 25:8.] Sinisiyasat kan isyung ini nin Awake! an nagkapira sa mga ideya sa presente manongod sa paggurang.”