Kun Ano an Sasabihon Manongod sa mga Magasin

An Torrengbantayan Hunyo 15

“Narisa daw nindo na dakol ngonyan an nagpipili kan saindang sadiring mga pamantayan manongod sa tama asin sala? [Pasimbagon.] Uya an sarong halimbawa kan dai nagbabagong paggiya na makukua sa Biblia. [Basahon an sarong teksto sa kahon sa pahina 6-7.] Ipinapaliwanag kan magasin na ini kun paano kita nakikinabang sa maogmang pag-ako kan moral na mga pamantayan kan Biblia.”

Awake! Hunyo

“Kita gabos nangangaipo nin kuarta tanganing mabuhay. Sa paghona daw nindo posible na mahadit nin labi-labi manongod sa paghanap nin kuarta? [Pasimbagon.] Mangnohon nindo kun ano an sinasabi digdi manongod sa mga resulta nin pagmamaigot na magkamit nin mga kayamanan. [Basahon an 1 Timoteo 6:10.] Nagtatao an magasin na ini nin nagkapirang praktikal na suhestion kun paano gigibohon nin saro na simple an buhay asin magin kontento dawa mayong gayong kuarta.”

An Torrengbantayan Hulyo 1

“Napag-isip-isip na daw nindo kun taano ta minamaltrato an mga tawo huli ta laen an saindang rasa o nasyonalidad o huli ta iba an saindang lenguahe? [Pasimbagon.] Mangnohon nindo an dahelan na itinao digdi. [Basahon an 1 Juan 4:20.] Sinisimbag kan magasin na ini an hapot na, Posible daw an pagkaoroyon sa rasa?”

Awake! Hulyo

“An mga tawo may kakayahan na pumili kan mga pamantayan na magigin basehan kan saindang pamumuhay. Bako sindang arog sa mga hayop na minahiro paagi sa saindang naturalesa. Sa paghona nindo, saen daw kita makakakua nin masasarigan na paggiya? [Pasimbagon. Dangan basahon an Salmo 119:105.] Ipinapaliwanag kan magasin na ini an pagigin nakakalabi kan paggiya na makukua sa Biblia.”