Kun Ano an Sasabihon Manongod sa mga Magasin

The Watchtower Disyembre 1

“Sa panahon na ini kan taon, dakol an nagbubugtak nin Belen tanganing iladawan an kasaysayan na ini sa Biblia. [Basahon an Mateo 2:1, 11.] Narisa daw nindo an mga pagkakalaen kan pangyayari na sinasabi sa Biblia asin kan parateng naheheling sa Belen? [Pasimbagon.] Tinotokar kan artikulong ini kun ano talaga an nangyari.” Itampok an artikulo sa pahina 31.

Awake! Disyembre

“Gusto kong maaraman an opinyon nindo sa sarong bagay na sinabi ni Jesus. [Basahon an Mateo 5:3.] Mantang kadakol an laen-laen na relihion, sa paghona daw nindo mahalaga kun paano niato pinapanigoan an satong espirituwal na pangangaipo? [Pasimbagon.] Ipinapaheling kan artikulong ini an sinasabi kan Biblia kun paano manonompongan an tunay na espirituwal na pagkakontento.” Itampok an artikulo na nagpopoon sa pahina 12.

An Torrengbantayan Enero-Marso

“Nagkokorontrahan an relihiosong opinyon mapadapit sa paggamit nin inomon na de alkohol. Ano sa paghona nindo an saboot nin Dios manongod sa pag-inom nin inomon na de alkohol? [Pasimbagon.] Minsan ngani sinasabi sa Biblia na kaidto milagrosong ginibo ni Jesus na arak an tubig, iyan nagsasabi man kaini. [Basahon an Talinhaga 23:20a.] Ipinapaheling kan magasin na ini an timbang na pagmansay kan Biblia.”

Awake! Enero

“Sa masakit na mga panahon na ini, dakol na tawo an nagsasaboot na sinda nasosobrahan na sa trabaho asin tensionado na. Iyan daw an pagmate nindo? [Pasimbagon.] Mangnohon an rasonableng sadol na ini. [Basahon an Eclesiastes 4:6.] Tinotokar kan magasin na ini kun paano niato babalansehon an trabaho, pamilya, asin pagrerelaks. Nagtatao man ini nin mga suhestion sa mga naghahanap nin trabaho.”