Pantabang sa Pagpapatotoo Paagi sa Telepono

Minsan ngani tama sana na tinatawan niato nin prioridad an paghuhulit paagi sa pagharong-harong, an pagpapatotoo paagi sa telepono sarong epektibong paagi tanganing ikapalakop an maogmang bareta sa teritoryo kan kongregasyon, nangorogna sa lugar na may dakol na harong na dai niato puedeng madumanan.​—Luc. 10:​5-7; Gui. 5:42; 20:20.

An aspektong ini kan ministeryo makakaparigon sa mga tugang na may pisikal na limitasyon asin parateng nasa harong sana. Ikakaogma kan mga parahayag na magparinigonan nin boot kun iaareglo nindang makikabtang sa paaging ini nin paghuhulit kaiba kan maimbod na mga tugang na ini. (Roma 1:​11, 12) Siring man, kun maraot an panahon, puedeng pilion kan mga parahayag na makikabtang sa pagpapatotoo paagi sa telepono. Sa pangkagabsan, maninigong papagdanayon na sadit an grupo tanganing magamit kan gabos an oras sa pinakamarahay na paagi.

Sa pahina 5-6, may itinaong makakatabang na work sheet na magagamit kun nagpapatotoo paagi sa telepono. May itinaong espasyo tangani na masuratan nin dagdag na mga presentasyon na epektibo sa saindong teritoryo o na sa hiling nindo mas madaling gamiton. Imbes na suratan an orihinal na work sheet, dai mag-alangan na iseroks iyan asin an kopya kaiyan an gamiton. Puedeng makatabang kun matukaw ka sa may lamesa asin yaon sa atubangan mo an work sheet.

Ano pa an kaipuhan mo kun naghuhulit paagi sa telepono? Repasohon an listahan na ini mantang nag-aandam ka.

◼ Personal na kopya kan Biblia

◼ Reasoning From the Scriptures

◼ Good News for People of All Nations

◼ Ano Man Nanggad an Itinotokdo kan Biblia?

◼ Bagong mga magasin asin An Satong Ministeryo sa Kahadean

◼ Manlaenlaen na tract asin brosyur

◼ Handbill

◼ House-to-house record asin lapis o bolpen

INGATAN

WORK SHEET PARA SA PAGPAPATOTOO PAAGI SA TELEPONO

GIRUMDOMON AN MGA PUNTONG INI:

◼ Magin relaks. Gumawe nin normal. Magin magalang, mapasensia, asin makikatood.

◼ Magtaram nin luway-luway, maingat, asin may supisyenteng kosog nin boses.

◼ Magngirit asin magmustra na garo naheheling ka kan kaolay mo.

◼ Likayan an dai kinakaipuhan na mga pagpondo.

◼ Tawan nin oportunidad an kagharong na magtaram, asin pasalamatan sia sa mga sinabi nia.

◼ Kun hapoton ka, otrohon iyan nin makosog tangani na matabangan ka kan kapartner mo na makua an simbag sa Biblia, sa librong Reasoning, o sa iba pang publikasyon. (Parateng mas marahay na dai ibugtak sa speakerphone an kaolay mo.)

◼ Dai pagsambiton an dapit sa donasyon ta tibaad mamisinterpretar ini na sarong klase nin paghagad nin kuarta paagi sa telepono. Sa angay na panahon pagkatapos na personal kamong maghilingan kan kagharong, puede mong ipaaram sa saiya na an satong gibohon biyong sustentado nin boluntad na mga donasyon.

MGA INTRODUKSYON

◼ “Hello. Ako si . . . Nag-apod ako ta dai ako makadian tanganing makaolay kamo nin personal. Nakaistar ako harani lang saindo. [Puede mong sabihon an kalye o barangay kun saen ka nakaistar.] Interesado ako sa opinyon nindo dapit sa . . . ”

◼ “Hello. Ako si . . . Nagtatabang ako sa mga tawo digdi sa satong lugar bilang serbisyo publiko tangani na masimbag an saindang mga hapot sa Biblia. Napag-isip-isip na daw nindo . . . ?”

◼ “Hello. Ako si . . . Dai ako nagpapabakal nin ano man; saro ako sa mga kataraed nindo digdi sa . . . Street. Dakol digdi sato an nahahadit dapit sa . . . ” [Sambiton an sarong bagong bareta na ikinakahadit sa lugar nindo.]

◼ [Isurat an sadiri mong presentasyon.]

[Dangan ipadagos an presentasyon nindo. Puede mong gamiton an sarong suhestion hale sa librong Reasoning, An Satong Ministeryo sa Kahadean, o mag-andam nin sadiring presentasyon.]

◼ [Isurat an sadiri mong presentasyon.]

Sa pag-alok nin pag-adal sa Biblia sa enot na pag-apod:

◼ “Hello. Ako si . . . Saro ako sa mga kataraed nindo digdi sa. . . Street. Nag-apod ako ta nag-aalok ako nin daing bayad na pagtotokdo sa Biblia asin may bakante pa sa iskedyul ko. Ini an nagkapirang tema na pag-oolayan gamit an saindong Biblia. [Basahon an duwa o tolo sa mga titulo kan kapitulo sa librong Itinotokdo kan Biblia.] Arin sa mga iyan an pinakainteresante para saindo? [Pasimbagon.] An binasa ko saindo mga titulo kan kapitulo sa librong Ano Man Nanggad an Itinotokdo kan Biblia? Maoogma akong maghapit saindo asin walatan kamo nin kopya kaiyan. Mayo iyan nin bayad.”

Kun nag-aalangan an kagharong, puede mong sabihon:

◼ “Puede gayod na mag-apod giraray ako tanganing pag-olayan ta nin halipot sana kun ano man nanggad an itinotokdo kan Biblia dapit sa tema na interesado ka. Parate tabi kamong nasa harong sa arog kaining oras?”

◼ [Isurat an sadiri mong presentasyon.]

Kun magsabi an kagharong . . .

“ANONG ORGANISASYON AN IRINEREPRESENTAR MO?”

◼ “Saro ako sa Mga Saksi ni Jehova,” dangan ipadagos an saimong presentasyon.

“PAANO MO NAKUA AN NUMERO KO?”

◼ “Sa directory,” dangan ipadagos an saimong presentasyon.

“YAON SA DO-NOT-CALL LIST AN NUMERO KO.”

◼ “Mayo ako kan listang iyan ta dai ako nagpapabakal nin ano man,” dangan ipadagos an saimong presentasyon.

Kun sabihon kan kagharong na dai na sia pag-apodan giraray kan Mga Saksi ni Jehova . . .

◼ “Tatandaan ko iyan, asin igagalang niamo an desisyon nindo,” dangan dai na ipadagos an saimong presentasyon. [Sarong nota na may petsa asin ngaran kan kagharong an maninigong ibugtak sa sobre kan teritoryo.]

Kun answering machine an madangog mo . . .

◼ “Ako si . . . , asin nag-apod ako bilang serbisyo publiko tanganing tabangan an mga tawo na masimbag an mga hapot ninda sa Biblia. Maapod giraray ako saindo.”

◼ [Isurat an sadiri mong presentasyon.]

MGA KONGKLUSYON:

◼ “Igwa ako nin babasahon na nagtatao nin dagdag pang impormasyon dapit sa temang ini. Maoogma akong maghapit saindo asin walatan kamo nin kopya kaiyan. Mayo iyan nin bayad.”

◼ “Naogma ako sa pakikipag-olay saindo. Puede daw ako (asin an agom ko) na magbisita saindo tangani na orog pang pag-olayan an temang ini? Puede niatong pag-olayan an simbag sa hapot na ini: ․․․․․.”

◼ “Naogma ako sa pag-oolay niato. Sa sunod na pag-apod ko, boot kong pag-olayan ta an simbag kan Biblia sa hapot na ini: ․․․․․. Okey lang saimo na mag-apod ako sa arog kaining oras?”

◼ [Isurat an sadiri mong presentasyon.]

Kun nag-aalangan an kagharong sa pagbisita mo, puede mong sabihon:

◼ “Kun gusto nindo, maoogma akong ipadara saindo an babasahon na ini.”

◼ “Puede gayod na mag-apod giraray ako tanganing ipadagos an satong pag-oolay. Parate tabi kamong nasa harong sa arog kaining oras?”

◼ [Isurat an sadiri mong presentasyon.]