Sarong Probisyon Para sa Kristianong mga Ministro
1. Anong bagong areglo an pinonan kan 1938, asin sa anong katuyohan?
1 Kan 1938, pinonan kan organisasyon ni Jehova an sarong bagong areglo. An mga grupo nin mga kongregasyon inimbitaran na mag-atender sa pansonang mga asamblea, na inaapod ngonyan na pansirkitong mga asamblea. Sa anong katuyohan? An Enero 1939 isyu kan Informant (An Satong Ministeryo sa Kahadean ngonyan) nagsimbag: “An mga asambleang ini kabtang kan Teokratikong Organisasyon ni Jehova tanganing magibo an paglilingkod sa Kahadean nia. An instruksion na itinatao dian mahalagang marhay tanganing mahaman nin tama kan lambang saro an iinasignar na gibohon.” Kun iisipon niato an pagdakol nin mga parabalangibog kan Kahadean poon sa 58,000 sana kan 1938 sagkod sa labing 7,000,000 ngonyan na 2010, risang-risa nanggad na nagigibo kan pansirkitong mga asamblea an katuyohan kaiyan na tabangan an mga ministro na ‘mahaman an iinasignar na gibohon’!
2. Anong impormasyon an ipepresentar sa satong pansirkitong asamblea sa sunod na taon?
2 Tema sa Sunod na Taon: Inaantisipar niato an asambleang iyan na mapoon sa Pebrero asin an pagparigon sa boot na itatao kaiyan. An temang “Kamo Bakong Kabtang kan Kinaban” kinua sa Juan 15:19. Ano an nagkapira sa mga pahayag na siertong magigin kapakipakinabang para sa Kristianong mga ministro? Sa Sabado madadangog niato an pahayag na “An Bilog na Panahon na Paglilingkod Nagpoprotehir sa Sato—Paano?” Ikakaogma man niato an may tolong kabtang na simposium na “Dai Magpadigta sa . . . ” “Mabangis na Hayop,” “Dakulang Patotot,” asin “Nagbibiaheng mga Negosyante.” Sa Domingo madadangog niato an simposium na may temang “Kamotan si Jehova, Bako an Kinaban.” Kaiba man sa mga pahayag an “Magdanay na ‘mga Dayo Asin Nakikiistar nin Temporaryo’” saka “Kosogan Nindo an Saindong Boot! Puede Nindong Madaog an Kinaban.”
3. Anong mga pakinabang an puede niatong akoon sa pag-atender sa pansirkitong asamblea?
3 Pakaatender sa sarong dai pa sana nahahaloy na pansirkitong asamblea, an sarong tugang na babae na luminuya sa ministeryo nagsurat na nakatabang sa saiya an asamblea na siyasaton giraray an saiyang mga kamugtakan asin magin determinado na “magluwas tanganing maglingkod sa langtad asin magpondo na sa pagparadahelan!” Mayong duda na an pansirkitong asamblea sa masunod na taon matabang sa sato gabos na kamotan si Jehova imbes na an kinaban. (1 Juan 2:15-17) Siertohon nindo na magin presente asin atentibo tanganing lubos na makinabang sa mamomoton na probisyon na ini para sa Kristianong mga ministro!