Kun Ano an Sasabihon Manongod sa mga Magasin

The Watchtower Agosto 1

“Ano sa paghona nindo an kaipuhan nin mga tawo tanganing magin maogma? [Pasimbagon. Dangan buksan an Mateo 5:3.] Saro sana ini sa mga sinabi ni Jesus dapit sa temang kaogmahan. Ipinapaliwanag kan artikulong ini an manonodan niato ki Jesus dapit sa kun paano manonompongan an tunay na kaogmahan.” Itampok an artikulo na nagpopoon sa pahina 16.

Awake! Agosto

“Itinatampok nin dakol na pelikula ngonyan an manongod sa mga demonyo, mangkukulam, asin pang-eengkanto. Sa paghona daw nindo tunay an mga demonyo? [Pasimbagon. Dangan basahon an 1 Corinto 10:20.] Ipinapaheling kan artikulong ini an sinasabi kan Biblia manongod sa mga demonyo asin kun paano niato mapoprotehiran an satong sadiri laban sa sainda.” Itampok an artikulo na nagpopoon sa pahina 20.

The Watchtower Setyembre 1

Sambiton an sarong bareta na ikinakapurisaw sa lokal. Dangan sabihon: “Napag-isip-isip na daw nindo kun taano an mga tawo ta naggigibo nin siring karaot na mga bagay? [Pasimbagon.] An Biblia nagtatao sa sato nin dahelan na magkaigwa nin paglaom. [Basahon an 2 Pedro 3:13.] Ipinapaheling kan magasin na ini an sinasabi kan Biblia manongod sa mga dahelan nin karatan asin kun paanong sa dai na mahahaloy tataposon nin Dios an maraot na mga gibo.”

Awake! Setyembre

“Sa paghona daw nindo an mga cell phone, e-mail, chat room, asin iba pang modernong mga paagi nin pakikikomunikar sa mga tawo nakakaina sa kapungawan o nakakadagdag dian? [Pasimbagon.] Ini an sarong suhestion na makakatabang sa sato na makaya an kapungawan. [Basahon an Gibo 20:35.] An magasin na ini nagtatao nin dugang pang praktikal na sadol hale sa Biblia.”