Kun Kaipuhan Nindo Tolos-Tolos nin Babasahon sa Ibang Lenguahe

Kun beses nakakanupar kita nin mga tawo na mas gustong magbasa kan mga babasahon niato sa ibang lenguahe na mayo sa istak kan satong kongregasyon. Aram daw nindo na kun may magagamit kamong Internet asin printer, puedeng kamo mismo an mag-print nin mga babasahon sa mga 400 na lenguahe? Arog kaini an paagi:

• Magduman sa www.watchtower.org, an satong opisyal na Web site.

• Sa toong parte kan home page yaon an parsial na lista nin mga lenguahe. I-click an retrato kan globo para sa lista nin gabos na makukuang lenguahe.

• I-click an lenguahe na gusto nindo. Maluwas an page na ipinapaheling an babasahon na puede nindong i-print, siring kan mga pulyeto, brosyur, asin artikulo. Mantang an page na ini nakasurat sa lenguahe na pinili nindo, dai pag-intindihon kun dai nindo masabotan an mga titulo.

• I-click an arin man na item. Maluwas an reperensia sa screen asin puede nang i-print iyan na ginagamit an print feature kan saindong browser.

An satong Web site igwa sana nin mga sampol; makukua an dugang pang mga publikasyon paagi sa kongregasyon. Kun maestablisar na nindo an interes, pinakamarahay na magkua nin babasahon sa counter kan literatura.