Sarong Paagi na Makakatabang Sainda

An tunay na mga Kristiano nakikikabtang sa pampublikong ministeryo na pagpalakop kan maogmang bareta. (Fil. 2:17) Tangani na magibo iyan, an nagkapirang pundamental na brosyur, pulyeto, asin artikulo sa 20 lenguahe nasa Internet na sa www.watchtower.org. An Web site na ini dai dinisenyo tangani na magwaras nin bagong mga publikasyon sa Mga Saksi ni Jehova. An obheto kaiyan iyo na itao sa publiko an tamang impormasyon manongod sa itinotokdo kan Mga Saksi ni Jehova hale sa Biblia.

Kasuarin pa sana, nagkaigwa nin dakulang dagdag sa satong opisyal na Web site. Ini an brosyur na Ano an Kahagadan sa Sato nin Dios? sa labing 220 lenguahe. Siring man, ipinaheheling poon sa isyu na Enero 1 asin Enero 8, 2004, kan An Torrengbantayan asin Awake! sa gabos na lenguahe an satong Web address sa huring pahina.

Paano nindo magagamit an kasangkapan na ini? Bueno, tibaad makanompong kamo nin saro na garo baga interesado alagad ibang lenguahe sana an nasasabotan. Kun nakakalaog sia sa Internet, puede nindong itokdo an Web address sa huring mga pahina kan An Torrengbantayan o Awake! Paagi kaiyan tibaad mahimo niang siyasaton an brosyur na Kahagadan sa saiyang sadiring lenguahe sagkod na makabalik kamo na dara an babasahon sa saiyang lenguahe. O puede nindong sambiton an pagdalaw sa kongregasyon o grupo na nag-aasikaso sa saiyang lenguahe.