Opisyal na Web Site—Gamiton Para sa mga Iba an Lenguahe
Ipahiling sa Saiya an Web Site Niato: Idemonstrar kun paano nia magagamit an lista kan “Site Language” tanganing mahiling an Web Site sa lenguahe nia. (Sa nagkapirang lenguahe, pira sanang seksion kan site an yaon.)
Ipahiling sa Saiya an Web Page kan Lenguahe Nia: Ipahiling an sarong page kan saro sa satong mga publikasyon, arog kan librong Itinotokdo kan Biblia o tract na Maaraman an Katotoohan. Pilion an lenguahe kan kagharong sa lista kan “Read In.”
Ipadangog sa Saiya an Sarong Artikulo: Maghanap nin artikulo na may audio track sa lenguahe nia, asin i-play iyan. Kun nag-aadal kamo nin ibang lenguahe, paoswagon an kakayahan nindo paagi sa pagdangog nin audio sa lenguaheng iyan mantang kamo nagbabasa.—Magduman sa “Publications/Books and Brochures” o “Publications/Magazines.”
Magpatotoo sa mga Pula: Kun may manompongan kamo na pula, i-play an video nin sarong kapitulo sa Biblia, libro, brosyur, o tract sa lenguaheng pasenyas.—Magduman sa “Publications/Sign Language.”
[Diagram sa pahina 6]
(Para sa aktuwal na format, hilingon an publikasyon)
Probaran
1 I-click an ▸ para sa napiling audio track (kun igwa sa lenguahe nindo) o saro sa “Download Options” para i-download an publikasyon.
2 Pumili nin ibang lenguahe sa lista kan “Read In” para ipahiling an page na ini sa lenguaheng iyan.
3 I-click an “Next” o an sarong link sa “Table of Contents” para mabasa an saro pang artikulo o kapitulo.