Opisyal na Web Site—Gamiton sa Ministeryo Nindo
Dagkahon an mga Tawo na Buksan an Web Site Niato: An nagkapira na nag-aalangan na makipag-olay o mag-ako nin literatura gustong magsiyasat dapit sa Mga Saksi ni Jehova sa jw.org, na ginigibo iyan sa sainda mismong harong. Kaya sabihon sa iba an dapit sa Web site niato sa lambang angay na oportunidad.
Simbagon an mga Hapot: Kun minsan may kagharong, interesado, o kamidbid na mahapot dapit sa Mga Saksi ni Jehova o sa mga tinutubod niato. Ipahiling tolos sa saiya an simbag gamit an mobile device o kompyuter. Sa parate, pinakamarahay na basahon an sitadong mga teksto nin direkta sa Biblia. Kun mayo kamo nin device na nakakakonektar sa Internet, ipaliwanag kun paano nia magagamit an jw.org tanganing makua nia mismo an simbag.—Magduman sa “Bible Teachings/Bible Questions Answered” o “About Us/Frequently Asked Questions.”
Magpadara nin Artikulo o Publikasyon sa Kamidbid Nindo: I-attach sa e-mail an pig-download na PDF o EPUB file. O i-download sa CD an audio file nin sarong publikasyon. Kada may tawan kamo—na bakong bautisado—nin kompletong electronic files nin libro, brosyur, o magasin, puede nindong iiba iyan sa report nin paglilingkod. Dai ini dapat ipadara na dai kamo nagpapabisto; asin dai magpadara nin dakol na publikasyon nin sarabay. Dai man ini dapat i-upload sa arin man na iba pang Web site.—Magduman sa “Publications.”
Ipahiling an Pinakabagong Bareta Dapit sa Mga Saksi ni Jehova: Makakatabang ini sa mga tinotokdoan sa Biblia asin sa iba pa na dinadalaw nindo na mapatalubo an pagpahalaga sa pagigin lakop sa kinaban kan satong gibohon asin Kristianong pagkasararo. (Sal. 133:1)—Magduman sa “News.”
[Diagram sa pahina 5]
(Para sa aktuwal na format, hilingon an publikasyon)
Probaran
1 Sa irarom kan “Publications,” hanapon an gusto nindong i-download, asin i-click an gusto nindong format, kun text o audio.
2 I-click an “MP3” para mahiling an lista kan mga artikulo. I-click an titulo kan artikulo para i-download o an ▸ para madangog iyan online.
3 Pumili nin ibang lenguahe sa listang ini kun gusto nindong mag-download nin publikasyon sa lenguaheng iyan.