Kun Ano an Sasabihon Manongod sa mga Magasin

An Torrengbantayan Oktubre-Disyembre

“Dakol an nag-iisip-isip kun may pagmakolog an Dios sa satong personal na mga kahaditan asin kamondoan. Ano sa paghona nindo? [Pasimbagon. Dangan basahon an Salmo 34:18.] Tinotokar kan artikulo na nagpopoon sa pahina 19 kun paano kita tinatabangan nin Dios na labanan an negatibong mga saboot arog kan pakamate nin kadaihan nin halaga, grabeng kamondoan, asin grabeng pakamate nin kasalan.”

Awake! Oktubre

“An Dios minamansay nin nagkapira bilang impersonal na puersa. An iba ibinibilang sia na personang may emosyon. Ano an opinyon nindo? [Pasimbagon.] Helinga an interesanteng mga tataramon na ini. [Basahon an 1 Pedro 5:6, 7.] An artikulo na nagpopoon sa pahina 29 sinisimbag basado sa Biblia an hapot na, An Dios daw sarong tunay na persona?”

The Watchtower Nobyembre 1

“Gabos kita, minsan paano, gustong makamate nin pagkakontento. Sa paghona daw nindo kaipuhan niato an kuarta tanganing magin kontento? [Pasimbagon.] Nakanood an sarong kagsurat sa Biblia kun paano magin kontento sa dikit na bagay na igwa sia. [Basahon an Filipos 4:11, 12.] Sinasabi sa magasin na ini an limang sekreto nin pagkakontento na makukua sa Biblia.”

Awake! Nobyembre

“Sinasabi kan nagkapirang ateista an maraot na mga bagay na ginibo sa ngaran nin Dios asin nagsasaboot sinda na an kinaban mas mapapakarhay kun mayo nin relihion. Ano sa paghona nindo? [Pasimbagon.] Uni an sarong dahelan kun taano ta an falsong relihion nagin dahelan nin pagsakit. [Basahon an 2 Timoteo 4:3, 4.] Sinasabi sa magasin na ini an nagkapirang depekto sa pangangatanosan kan mga ateista.”