Kun Ano an Sasabihon Manongod sa mga Magasin

The Watchtower Disyembre 1

“Maoyon daw kamo na an nagsosolong mga magurang sa parate mas nasasakitan kisa sa mga magurang na mag-agom? [Pasimbagon.] Dinadagka kita kan Biblia na humiro na may konsiderasyon sa mga napapaatubang sa mga kadepisilan. [Basahon an Salmo 41:1.] Ipinapaliwanag kan artikulo na nagpopoon sa pahina 22 kun paano kita makakapaheling nin konsiderasyon sa nagsosolong mga magurang.”

Awake! Disyembre

“Dakol an naghahapot, ‘Kun igwa nin Dios, taano ta dai nia hinahale an Diablo?’ Napag-isip-isip na daw nindo iyan? [Pasimbagon.] Hale sa Biblia, sinisimbag kan mga artikulong ini sa pahina 10 asin 11 an hapot na iyan. Sinasabi man kaiyan sa sato kun ano an magigin kamugtakan kan kinaban kun mayo na an Diablo.” Basahon an Kapahayagan 21:3, 4.

An Torrengbantayan Enero-Marso

“Dakol na tawo an naniniwala na eroestorya sana an hardin nin Eden. Magngangalas daw kamo kun maaraman nindo na sinambit ni Jesus si Adan asin Eva bilang totoong mga tawo? [Pasimbagon. Dangan basahon an Mateo 19:4-6.] Sinisimbag kan magasin na ini an parateng mga ihinahapot manongod sa hardin nin Eden.”

Awake! Enero

Ipaheling an tutob asin maghapot, “Ano an simbag nindo sa hapot na ini? [Pasimbagon.] Dinadagka kan Kasuratan an mga tawo na magin mapagpatoninong. [Basahon an Santiago 3:17.] Kun siring, taano ta dai nagigibo nin relihion na pagsararoon an katawohan? Maabot daw an panahon na an relihion makakatabang sa pagkaigwa nin katoninongan? Sisiyasaton kan magasin na ini an simbag sa mga hapot na iyan.”