Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • km 6/11 p. 2
  • Epektibong Paghuhulit sa Tinampo

Mayong video na available para digdi.

Sori, may error sa pag-load kan video.

  • Epektibong Paghuhulit sa Tinampo
  • An Satong Ministeryo sa Kahadean—2011
  • Kaagid na Materyal
  • Paghanap sa mga Interesado Paagi sa Epektibong Pagpatotoo sa Tinampo
    An Satong Ministeryo sa Kahadean—1994
  • Ihulit an Maogmang Bareta sa Gabos na Lugar
    An Satong Ministeryo sa Kahadean—1996
  • Bagong mga Pamamaagi nin Pagpapatotoo sa Publiko
    An Satong Ministeryo sa Kahadean—2013
  • Pagpaheling nin Pag-apresyar sa Duwang Pinakadakulang Kapahayagan nin Pagkamoot
    An Torrengbantayan Nagpapahayag kan Kahadean ni Jehova—1987
Iba Pa
An Satong Ministeryo sa Kahadean—2011
km 6/11 p. 2

Epektibong Paghuhulit sa Tinampo

1. Ano an sarong paagi na maaarog niato si Jesus?

1 Durante kan ministeryo ni Jesus sa daga, dai sia nag-alangan na makipag-olay sa mga tawong nanunuparan nia sa tinampo asin sa iba pang pampublikong mga lugar. (Luc. 9:57-61; Juan 4:7) Gusto niang ihiras an saiyang mahalagang mensahe sa pinakadakol na tawong mapupuede. Ngonyan, an paghuhulit sa tinampo sarong marahayon na paagi na matabangan an mga tawo na magkaigwa nin diosnon na kadonongan. (Tal. 1:20) Magigin mas mapanggana kita kun kita na an madolok sa mga tawo asin kun mapagrisa kita.

2. Ano an dapat niatong gibohon kun naghuhulit sa tinampo?

2 Kita Na an Dumolok: Sa pangkagabsan, mas marahay na dolokon an mga tawo imbes na magtindog o magtukaw sa sarong lugar na hinahalat an mga nag-aaragi na iyo an magdolok sa saimo. Maghuyom, magheling sa mata, asin magin kalmado saka makikatood. Kun may kaibanan na iba pang mga parahayag, sa parate pinakamarahay na solo kamong magdolok sa mga tawo. Kaipuhan man an paghihingoa na makaolay giraray an interesadong tawo. Kun angay, sa pagtatapos kan saindong pag-oolay, may kabootan na hapoton kun paano mo giraray sia makakaolay. An paghuhulit sa tinampo regular na ginigibo nin nagkapirang parahayag sa iyo man sanang lugar, kaya nakakaolay ninda nin paorootro an saindang mga nahulitan asin nakukultibar ninda an saindang interes.

3. Paano kita magigin mapagrisa kun naghuhulit sa tinampo?

3 Magin Mapagrisa: Pag-isipan na marhay kun saen ka matindog sa tinampo asin kun siisay an dodolokon mo. Dai man kaipuhan na hulitan an gabos na minaagi. Magin mapagmasid. Halimbawa, kun an tawo naghihidali, tibaad pinakamarahay na palihison na sana sia. Kun naghuhulit sa atubangan nin komersial na lugar, magin maingat tanganing dai mag-isip nin kun ano an manedyer. Sa parate, mas marahay na hulitan an mga tawo kun pahale na sinda sa edipisyo kan komersio kisa kun palaog pa sana sinda. Dolokon an mga tawo sa paagi na dai man sinda matatakot o mabibigla. Siring man, magin mapagrisa kun nag-aalok nin literatura. Kun an indibiduwal daing gayo interesado, puede mo siang alokan nin tract imbes na mga magasin.

4. Taano ta an paghuhulit sa tinampo sarong kapakipakinabang asin nakakagayagayang paagi nin paghuhulit?

4 Paagi sa paghuhulit sa tinampo, dakol kitang ikinakasabwag na banhi nin katotoohan sa halipot na panahon. (Par. 11:6) An nagkapirang nakakaolay niato tibaad iyo pa ngani an mga tawong dai niato nanonompongan kun kita naghaharongharong. Taano ta dai gumibo nin areglo na umiba sa paghuhulit sa tinampo, na sarong nakakagayagaya asin epektibong paagi nin paglilingkod sa langtad?

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share