Young People Ask—What Will I Do With My Life? (Kabtang 1)
Kun an mga hoben nagigin adulto na, kaipuhan nindang gumibo nin mahahalagang desisyon. Tanganing tabangan sinda, ginibo an video na Young People Ask—What Will I Do With My Life? Sa “main menu,” pilion an “Play Drama,” dangan hilingon kun masisimbag nindo an mga hapot sa ikaduwang parapo. Pagkatapos, pilion an “Interviews” sa “main menu,” saka pilion an “Looking Back,” dangan probaran na simbagan an mga hapot sa ikatolong parapo.
Drama: (1) Sa anong mga paagi nakakaagid an situwasyon ni Timoteo sa situwasyon nin dakol na Kristianong hoben ngonyan? (2) Paano inimpluwensiahan si Andre na magin matibay sa isport? (3) Ano an sinabi ni Brother Fleissig ki Andre manongod sa (a) pagigin dusay ki Jehova siring man sa isport? (Mat. 6:24) (b) gikanan nin tunay na kaogmahan? (c) ipinapagirumdom sa saiya kan mangko na hale sa kampo de konsentrasyon? (d) mga tawo sa retrato na kaiba nia asin kan saiyang agom? (e) kun baga pinagbasolan nia an pagbago kan mga pasohan nia? (Fil. 3:8) (4) Paano sinimbag kan lola ni Andre an hapot nia na, “Sala daw po kun gusto kong magin sikat na paradalagan?” (Luc. 4:5-7) (5) Nagkaigwa daw nin tunay na satispaksion si Andre kan sia manggana sa paorumbasan? (6) Ano an napahalagahan mo sa huring surat ni Brother Fleissig ki Andre? (Tal. 10:22) (7) Sa tabang ni Brother Fleissig, ano an narealisar ni Andre?
“Looking Back”: (8) Anong mga karera an pinagmaigotan na aboton kan mga tugang na lalaki saka babae, asin taano? (9) Gurano sinda kamapanggana? (10) Ano an dahilan nin dakulang pagbabago sa buhay kan lambang saro? (2 Cor. 5:15) (11) Anong teokratikong mga karera an isinalida ninda sa dati nindang mga karera, asin taano ta naniniwala sinda na dai ninda kayang aboton nin sabay an duwang iyan? (12) Nagbasol daw sinda huli sa pagbago kan saindang pokus sa buhay? (13) Ano an sinabi ninda na nangorognang nakapagpaisip sa saimo manongod sa kun ano an maninigo mong gibohon sa saimong buhay?
Hilingon man tabi an iba pang “interviews” asin “supplementary material,” saka magin andam na komentohan iyan sa pagtokar kaiyan sa Pagtiripon sa Paglilingkod sa sunod na semana.