Ano an Gigibohon Nindo sa Saindong Buhay?

¹ Kun minsan hinahapot an mga aki, “Ano an gusto mong magin pagdakula mo?” Kun kamo sarong lalaki na aki pa kaidto, nagsabi daw kamo na gusto nindong magin sarong doktor? sarong inhenyero? sarong paraataman sa sirkito? O bilang sarong sadit na aking babae, nagsabi daw kamo na gusto nindong magin sarong maestra? sarong nars? sarong misyonera? Ngonyan na kamo mas may edad na, dapat nindong ihapot sa saindong sadiri an saro pang hapot, ‘Ano an gigibohon ko sa sakong buhay?’ Andam na daw kamong magdesisyon?

² Tangani na matabangan kamo na gumibo kan pinakamarahay na posibleng desisyon, nagprodusir an organisasyon ni Jehova kan DVD na Young People Ask—What Will I Do With My Life? Dalanon tabi iyan, asin tawan nin seryosong paghorophorop an gabos na laog kaiyan, kaiba an drama, mga interbio, asin suplementaryong materyales. An mga laog yaon sa kahon na “Main Menu.”

³ An Drama: Mantang dinadalan nindo an drama, estudyaran an mga hapot na ini: (1) Ano an mga pagkakaagid ni Timoteo, na an estorya nasa Kristianong Griegong Kasuratan, asin ni Andre? (Gibo 16:1; 1 Tim. 4:8; 2 Tim. 1:5) (2) Paano iniimpluwensiahan si Andre na labihan an iba kun dapit sa mga isport, asin niisay? (3) Siisay an nagin positibong mga impluwensia ki Timoteo asin ki Andre, asin sa anong mga paagi? (2 Tim. 1:1-4; 3:14, 15) (4) Paano nakaapektar ki Andre an konseho sa Mateo 6:24 asin Filipos 3:8, asin paano iyan nakakaapektar sa saindo?

⁴ Piniling mga Eksena: Pagkatapos dalanon an bilog na drama, dalanon giraray an minasunod na mga eksena, asin simbagon an mga hapot na ini. “Paul and Timothy”: Ano an huring sadol ni Pablo ki Timoteo? (2 Tim. 4:5) “Giving Jehovah Your Best”: Ano an espirituwal na mga pasohan nindo? “Taking a Stand for Jehovah”: Saen minagikan an tunay na kaogmahan? “Grandmother’s Advice”: Ano an sala sa pagmawot na magin sarong sikat sa kinaban ni Satanas? (Mat. 4:9) “No Regrets”: Ano an napag-araman na makakatabang sa saindo na makanompong nin satispaksion sa buhay?—Tal. 10:22.

⁵ Mga Interbio: Mantang dinadalan nindo an kada saro sa minasunod na mga kabtang, ano an naheheling nindo na puede nindong gibohon tangani na ikatao nindo ki Jehova an saindong pinakamakakaya? (1) “Dedication to Vain Pursuits or to God?” (1 Juan 2:17); (2) “Learning to Enjoy Your Ministry,” (Sal. 27:14); asin (3) “An Open Door to Service.”—Mat. 6:33.

⁶ Paggirumdom: Masisimbag daw nindo? (1) Anong mga karera an pinag-aaabot nin mga tugang na lalaki asin babae, asin taano? (2) Gurano na sinda kamapanggana? (3) Ano an panahon nin dakulang pagbabago sa buhay kan lambang saro? (2 Cor. 5:15) (4) Anong teokratikong mga karera an isinalida sa dati nindang mga karera, asin taano ta naniniwala sinda na dai ninda kayang pag-aaboton nin sabay an duwang iyan? (5) Igwa daw sinda nin mga pagbasol huli sa pagbago kan saindang konsentrasyon sa buhay? (6) Ano an sinabi ninda na nangorognang nakapagpaisip sa saindo manongod sa kun ano an maninigo nindong gibohon sa saindong buhay?

⁷ Suplementaryong mga Interbio: Sa mga interbiong ini, ano an nanodan nindo na magigibo nindo tangani na makapagmaigot kamo nin mas lubos sa paglilingkod ki Jehova? (1) “The Value of Personal Study,” (2) “Alternative Witnessing,” (3) “Bethel Service,” (4) “Gilead Missionary Training,” asin (5) “Ministerial Training School.”—Repasohon an “Index to Published Information on Related Subjects,” asin magbasa pa manongod sa mga pinakainteresante para sa saindo.

⁸ Kaya nakapagdesisyon na daw kamo kun ano an gigibohon nindo sa saindong buhay? Sinadol ni Pablo si Timoteo: “Pensaron mo an mga bagay na ini; ipanongod mo dian an bilog mong buhay, tanganing an saimong pag-oswag mahayag sa gabos.” (1 Tim. 4:15) Sinasadol niamo kamo na gibohon man nindo an saindong nadalan asin nadangog sa DVD na ini. Arangon ki Jehova na tabangan kamong gumibo nin madonong na pagpili na talagang magtatao saindo nin kagayagayahan asin satispaksion sa buhay ngonyan siring man nin kapakipakinabang asin maogmang ngapit.

[Kahon sa pahina 6]

MAIN MENU

Play Drama

Scenes (11 pagpipilian)

Interviews

Play All

Sections (3 pagpipilian)

Looking Back

Supplementary Material

Supplementary Interviews

Index to Published Information on Related Subjects

Subtitles

Hearing Impaired

None

Sa pagbarobalyo sa mga menu, gamiton an mga button na Next ▶, ◀ Back, asin Main Menu.