Sarong Mabungang Kampanya

Tulong semana bago magpuon an kumbensiyon, makikikabtang giraray an mga kongregasyon sa sarong kampanya para imbitaran an mga interesado sa saindang teritoryo. Nagigin mabunga daw an satong kampanya, dawa ngani kaipuhan pa kan mga interesado na magbiyahe nin huruharayo para makaatender?

Pagkatapos kan nakaagi pa sanang kumbensiyon, nakaresibi an sarong sangang opisina nin surat hali sa sarong babayi na nakakua nin imbitasyon sa may pinto kan harong ninda. Sa parati, nagtatago siya pag nagdadalaw an mga Saksi ni Jehova. Sinabi niya: “Igwa ako nin magayon na harong, mabuot na agom, asin sa hiling ko yaon na sa sako an gabos na makakapaugma sa sako. Pero, bako pa man giraray akong maugma, saka mayo talaga nin katuyuhan an buhay ko. Kaya nagdesisyon akong magmaneho nin 320 kilometros para mag-atender nin programa sa Sabado.” Nagustuhan niyang marhay an kumbensiyon kaya inapudan niya an saiyang agom para sabihan na dai siya makakapuli ta maatender giraray siya sa Domingo. “Naghinanyog ako sa gabos na pahayag, dakul akong nakamidbid na Saksi ni Jehova, saka naisip ko na kuta dai na ini matapos.” Pagpuli niya, nagpuon na siyang mag-adal nin Bibliya asin pakalihis nin apat na bulan nagin dai pa bawtisadong parahayag. “Maray na sana ta nakua ko an imbitasyon sa may pinto kan harong mi. Ngunyan talagang may katuyuhan na an buhay ko!”

Siyertong maatender an pira sa mga natawan kan imbitasyon. Kaya, maigot na makikabtang sa mahalagang kampanyang ini. Darahon sa kumbensiyon an ano man na matadang imbitasyon, asin gamiton iyan sa pagpatotoo nin impormal.

[Kahon sa pahina 5]

Paano Niyato Iaalok an Imbitasyon?

Puwede tang sabihon: “Idinidistribwir mi sa bilog na kinaban an imbitasyon na ini. Ini po an saindong imbitasyon. Mababasa nindo diyan an dugang pang mga detalye.” Magin entusiyastiko. Kun nakikikabtang sa kampanya pag Sabado asin Domingo, maninigo ta man na ialok an mga magasin kun angay.