Kampanya sa Pag-imbitar Para sa Kumbensiyon

Taon-taon, inaabangan ta pirmi an espirituwal na bangkete na ihinahanda sa pangrehiyon na kumbensiyon. Para manamitan man kan iba an karahayan ni Jehova, iimbitaran ta an pinakadakul na mapupuwede. (Sal 34:8) Sisiguraduhon kan grupo nin kamagurangan na maidistribwir an imbitasyon sa pinakamarahay na paagi.

MGA DAPAT TANDAAN

• Nuarin an kumbensiyon mi?

• Nuarin mapuon an kongregasyon mi sa pag-imbitar?

• Nuarin an mga pagtiripon bago maglingkod sa langtad?

• Ano an mga pasuhan ko para sa kampanya?

• Sairisay an iimbitaran ko?

ANO AN SASABIHON?

Pagkatapos magtaong galang, puwede mong sabihon:

“May ginigibo po kaming pambilog na kinaban na kampanya para manao kan imbitasyon na ini para sa importanteng marhay na okasyon. Yaon sa imbitasyon an petsa, oras, saka adres. Lugod makaatender kamo.”

PAANO MAPAPATALUBO AN INTERES?

Minsan ngani gusto tang maimbitaran an pinakadakul na mapupuwede, dapat magin alisto kita pag may nagpahiling nin interes.

Pag Sabado o Domingo, puwede mong ialok an magasin kaiba kan imbitasyon.