Regular Ka Daw na Naghihiling sa Information Board?

An mga elder, ministeryal na lingkod, asin iba pang may paninimbagan sa kongregasyon regular na naghihiling sa information board para aramon kun may asignasyon sinda. Minsan siring, an gabos sa kongregasyon may makukua diyan na mahalagang impormasyon. Aram mo daw kun nuarin an iskedyul nindong maglinig sa Kingdom Hall? May importanteng surat daw na ipinadara an paraataman nin sirkito o sangang opisina sa kongregasyon nindo? Aram mo daw an tema kan pampublikong pahayag ngunyan na semana tanganing maimbitaran mo an saimong tinutukduan sa Bibliya? May ginibo daw na mga pagbabago sa iskedyul nin pagtiripon o sa saindong grupo sa paglilingkod sa langtad? Kadaklan kan mga impormasyon na ini dai na ipinapaisi sa pagtiripon, asin tibaad dai man posible na maipaabot iyan kan mga elder sa kada parahayag. Kun siring, dapat na regular kitang naghihiling sa information board. Kun ginigibo ta iyan, an gabos na bagay nangyayari sa “disente asin aregladong paagi.”—1 Cor. 14:40, NW.