Sampol na mga Presentasyon

Sa pagpuon nin mga pag-adal sa Bibliya sa inot na Sabado nin Mayo

“Dinadagka mi an mga tawo na basahon an Bibliya ninda. Pero para sa dakul dipisil sabuton iyan. Iyo man daw kamo? [Pasimbagon.] Hilinga an sinasabi digdi.” Ipahiling an likod kan An Torrengbantayan na Mayo-Hunyo, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat tanganing pag-ulayan an sunod na hapot.

An Torrengbantayan Mayo-Hunyo

“An lambang nakakaulay mi napapaatubang sa mga problema. Ini an dahilan kaya may mga nag-iisip dapit sa kahulugan nin buhay. Ano sa paghuna nindo an saro sa pinakadakulang ulang ngunyan sa kaugmahan? [Pasimbagon.] Nanunuga an Bibliya na madali nang halion nin Diyos an mga problema na inaatubang ta ngunyan. [Basahon an Kapahayagan 21:4.] Tinutukar kan magasin na ini kun ano an mga oportunidad ta sa maabot na panahon saka kun paano magigin makahulugan an satong buhay dawa ngunyan.”

Awake! Mayo

“Nagdadalaw kami para ipakipag-ulay an manungod sa sarong nakakahadit na problema—an krimen. Iniisip nin nagkapira na dagdagan pa an mga pulis para makontrol an krimen. Ano sa paghuna nindo? [Pasimbagon.] Aram daw nindo na may panuga sa Bibliya na magkakaigwa nin katapusan an krimen? [Basahon an Salmo 37:10, 11.] Ipinapaliwanag kan magasin na ini kun paano iyan siguradong mauutob. Nagtatao man ini nin praktikal na mga paagi kun paano ta mapoprotektaran an satong sadiri sa krimen.”