Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Setyembre

“Haros gabos na tawo namimibi. Dawa an mga ateista namimibi kun may problema. Sa hiling nindo nagdadangog daw an Diyos sa gabos na pamibi?” Pasimbagon. Ipahiling an pahina 15 kan An Torrengbantayan na Setyembre-Oktubre, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat para pag-ulayan an sunod na hapot.

An Torrengbantayan Setyembre-Oktubre

“Igwa kaming halipot na pagdalaw huling naririsa mi na dakul an nahahadit ta lakupon na an pornograpiya. Pero, para sa iba mayo man nin maraot sa pornograpiya. Ano sa paghuna nindo? [Pasimbagon.] Sinabi ni Jesus na maaaraman ta kun baga marahay an sarong bagay paagi sa ibinubunga kaiyan. [Basahon an Mateo 7:17.] Tinutukar kan magasin na ini an ibinubunga kan pornograpiya. Nagtatao man iyan nin praktikal na mga suhestiyon kun paano makakatalingkas sa pornograpiya.”

Awake! Setyembre

“Napadigdi kami para magtao nin impormasyon dapit sa sarong maabot na popular na kapiyestahan—an Karalagan (o, Halloween). Pero, pinili nin nagkapira na dai iyan iselebrar, an dahilan iyo an patanid na ini sa Bibliya. [Basahon an Levitico 19:31.] An iba dai naniniwala sa mga espiritu asin para sa sainda mayo man nin maraot sa Karalagan. Ano an opinyon nindo manungod digdi? [Pasimbagon.] Sinasabi kan magasin na ini an maraot na pinaghalian kan Karalagan.”