Puwede Mo Daw Sindang Agdahon?

Sa dakul na kongregasyon, may mga parahayag na limitado na an nagigibo sa ministeryo huli sa grabeng problema sa salud o paggurang. (2 Cor. 4:16) Puwede mo daw agdahon an saro sa sainda na ibanan ka sa pag-Bible study? Kun an sarong parahayag dai nakakahali sa harong, tibaad puwede nganing sa harong niya kamo mag-Bible study. Puwede mo daw iareglo na iiba paminsan-minsan sa pagharong-harong o sa saro o duwang pagdalaw liwat an sarong parahayag na maluya an salud? Dakul sa mga may edad nang parahayag an eksperyensiyado nang marhay sa ministeryo. Kaya, an mga paghihinguwa mo bako sanang magpaparigon sa sainda. Ika makikinabang man. (Roma 1:12) An saimong paghihinguwa na magpahiling nin pagkamuot sa siring na paagi bebendisyunan man ni Jehova.—Tal. 19:17; 1 Juan 3:17, 18.