Pag-aadalan an Kapahayagan—Harani Na an Mamuraway na Kulminasyon Kaiyan! Puon sa Semana nin Enero 6

1. Taano ta pag-aadalan giraray niyato an librong Kapahayagan puon Enero 6 asin paano iyan makakatabang sa sato na magdanay na mata sa espirituwal?

¹ ‘Paladan an nagbabasa asin an mga nagdadangog kan mga tataramon kan hula, asin nag-uutob kan mga bagay na nasusurat diyan.’ (Kap. 1:3) Itinatampok kan mga tataramon na iyan an kahalagahan kan libro nin Kapahayagan, lalo na ta nabubuhay kita sa panahon na nauutob na an dakul sa mga hula kaiyan. Kaya angay sana na pag-aadalan niyato an librong Kapahayagan—Harani Na an Mamuraway na Kulminasyon Kaiyan! sa Pag-adal sa Bibliya kan Kongregasyon puon sa semana nin Enero 6, 2014. Pinag-adalan ta na an librong ini kan 2007 asin 2008. Minsan siring, para sa dakul na parahayag na naglaog sa katotoohan puon kaidto, ini an inot nindang pagkakataon na mapag-adalan nin bersikulo-por-bersikulo an Kapahayagan. Siguradong makakatabang iyan sa sato gabos na magdanay na mata sa mga mangyayari sa maabot.—Kap. 16:15.

2. Paano pag-aadalan an librong ini?

² Kun Paano Iyan Pag-aadalan: An nagkokondukta mapuon paagi sa halipot na introduksiyon, puwedeng saro o duwang sentence. Dai sinasabi sa libro kun arin na mga teksto an maninigong basahon, kaya durante kan pag-adal an nagkokondukta an mapili kan panginot na mga teksto na babasahon. Saro o duwang hapot an puwede niyang ihapot sa katapusan kan kada leksiyon bilang repaso.

3. Mantang pinag-aadalan an libro, ano an maninigo tang gibuhon asin taano?

³ Lubos na Makinabang: Pagmaigutan na magin presente kada semana. An librong ini bako sanang makakatabang sa sato na magdanay na mapagbantay. An mga mensahe ni Jesus sa pitong kongregasyon makakatabang man sa sato na malikayan an mga sitwasyon na puwedeng makaapektar sa satong espirituwalidad. Mag-andam nin patiinot dawa napag-adalan mo na kaidto an librong ini. Bago an kada pagtiripon, basahon na an mga bersikulo sa libro nin Kapahayagan na sisiyasaton. Magkomento, huli ta magtatao ini nin kaumawan ki Jehova, makakatabang sa saimo na magirumduman an impormasyon, asin makikinabang an iba na nag-atender.—Sal. 35:18; Heb. 10:24, 25.

4. Ano an pakinabang niyato sa pag-adal kan librong ini?

⁴ An pag-adal kan librong ini makakaparepresko sa satong puso asin isip saka makakapakusog sa pagtubod niyato na harani na an ‘ralaban sa dakulang aldaw nin Diyos na Makakamhan sa Gabos’ asin an bagong kinaban.—Kap. 16:14; 21:4, 5.