Sampol na mga Presentasyon

An Torrengbantayan Enero-Pebrero

“May halipot kaming pagdalaw para ipakipag-ulay an manungod sa Diyos. Aram ming may kanya-kanya kitang opinyon manungod digdi. Sa hiling nindo, para sa kadaklan, saro sana daw siyang dai nahihiling na puwersa o sarong amigo na personal na nagmamalasakit sa sainda? [Pasimbagon.] Hilingon mo kun ano an gusto nin Diyos na magin relasyon ta saiya. [Basahon an Santiago 4:8a.] Ipinapahiling kan magasin na ini an tulong paagi kun paano kita magigin mas harani sa Diyos.”

Awake! Enero

“Nagtutubod an dakul na tawo na ipinapaliwanag kan ebolusyon kun paano nagpuon an buhay, pero an iba dai sigurado. Sa hiling nindo, paano daw nagpuon an buhay? [Pasimbagon.] Ipinapahiling kan dakul na dekada nin pagsiyasat na an puwede sanang paghalian nin buhay idtong dati nang may buhay. Kauyon ini kan simpleng mga tataramon na mababasa sa Bibliya. [Basahon an Salmo 36:9.] Ipinapaliwanag kan magasin na ini kun taano ta dakul an nakapagsabi na komplikadong marhay asin makangangalas an buhay para sabihon na resulta sana iyan nin ebolusyon.”