Siisay an Naggigibo kan Kabotan ni Jehova Ngonyan?​—Paano Gagamiton?

An brosyur na Siisay an Naggigibo kan Kabotan ni Jehova Ngonyan? dinisenyo para ipakipag-ulay sa mga tinutukduan sa Bibliya bago o pagkatapos kan kada pag-adal.a An leksiyon 1 sagkod 4 makakatabang sa mga tinutukduan na magin pamilyar sa sato, tatabangan man sinda kan leksiyon 5 sagkod 14 na maaraman an satong mga aktibidad, asin manunudan ninda sa leksiyon 15 sagkod 28 kun ano an ginigibo kan organisasyon ta. Mas marahay na pag-ulayan an mga leksiyon sigun sa pagkasunod-sunod kaini, apuwera kun may tema na kaipuhan tulos tukaron. An kada leksiyon sarong pahina sana asin puwede ining pag-ulayan nin mga lima sagkod sampulong minuto.

• 

  Iduon an hapot na iyo an tema kan leksiyon

• Basahon nindo an leksiyon, puwedeng sararuan sana o kada porsiyon

• Pag-ulayan an binasa. Gamiton an mga hapot sa ibaba kan pahina asin an mga ritrato. Basahon asin tukaron an mga sitadong teksto kun kaipuhan. Iduon na sinisimbag kan naka-bold na mga subtitulo an temang hapot

• Kun igwang kahon na “Aramon nin Orog Pa,” basahon nindo iyan asin dagkahon an saimong tinutukduan na gibuhon an mga suhestiyon na yaon diyan