Sampol na Surat

• Gamiton an saimong adres. Kun sa pagmati mo bakong madunong na gibuhon iyan, puwede mong gamiton an adres kan Kingdom Hall pero dapat may permiso kan mga elder. Alagad DAI nanggad gamiton an adres kan sangang opisina.

• Gamiton an pangaran kan saimong sinusuratan kun aram mo iyan. Malilikayan kaini an impresyon na an saimong surat nag-iendorso nin sarong produkto o serbisyo.

• Siguraduhon na tama an ispeling, gramatika, asin puntuasyon. An surat dapat na maayos asin malinig. Kun iyan surat-kamot, dapat na pasil iyan basahon. An mga tataramon na ginamit dapat na bako man sobra kakaswal o sobra kapormal.

An mga puntong ini malinaw na mahihiling sa sampol na surat. Dai ini kaipuhan kopyahon nin termino por termino sa kada pagsurat niyato sa mga tawo sa satong teritoryo. Ibagay an saimong surat uyon sa katuyuhan kaiyan asin sa mga kamugtakan saka kaugalian sa saindong lugar.