Pagpauswag kan Satong Kakayahan sa Ministeryo—Pagigin Madaling Makibagay

KUN TAANO TA MAHALAGA: An linahidan asin an ibang karnero iniimbitaran an gabos na tawo na ‘kumua kan tubig nin buhay na daing bayad.’ (Kap 22:17) An simbolikong tubig na ini nagrerepresentar sa gabos na probisyon ni Jehova para iligtas sa kasalan asin kagadanan an masinunod na mga tawo. Para matabangan an mga tawong manlain-lain an kostumbre saka relihiyosong paniniwala, kaipuhan tang ipahayag an “daing katapusan na maugmang bareta” sa paagi na magugustuhan ninda bilang mga indibidwal.—Kap 14:6.

KUN PAANO GIGIBUHON:

• Pumili nin tema asin teksto na makakapahiro sa puso kan mga tawo sa saindong teritoryo. Puwede kang pumili nin sarong sampol na pakikipag-ulay o presentasyon na epektibo mo nang nagamit. Anong mga tema asin mga teksto an mas interesante sa mga tawo? Igwa daw nin sarong dai pa sana nahahaloy na bareta na pinag-uurulayan kan mga tawo? Anong tema an mas interesante sa sarong lalaki o sarong babayi?

• Sa saimong pakikipag-ulay, gumamit nin mga pangungumusta asin mga kaugalian na komun sa lugar nindo.—2Co 6:3, 4

• Magin pamilyar sa mga publikasyon asin video sa satong Toolbox sa Pagtutukdo na puwede mong ipahiling sa saro na interesado

• Mag-download nin mga publikasyon asin video sa lengguwahe kan mga tawong posibleng manumpungan mo sa saindong teritoryo

• Ibagay an saimong tema sigun sa kamugtakan kan kagharong. (1Co 9:19-23) Halimbawa, ano an sasabihon mo kun maaraman mong nagadanan pa sana an kagharong?

HILINGON AN VIDEO, DANGAN SIMBAGON AN MINASUNOD NA MGA HAPOT:

• Anong tema an pinunan na ipakipag-ulay kan parahayag sa kagharong?

• Ano an inaagihan kan kagharong?

• Anong mga teksto an pinakamagayon na gamiton sa arog kaining sitwasyon, asin taano?

• Paano mo ibinabagay an saimong presentasyon para magustuhan iyan kan mga tawo sa saindong teritoryo?