Pagpauswag kan Satong Kakayahan sa Ministeryo​—Pagpapatotoo sa mga Buta

KUN TAANO TA MAHALAGA: Dakul na buta an nag-aalangan na makipag-ulay sa mga tawong dai ninda kabisto. Kaya, kaipuhan na igwa kita nin kaaraman asin kakayahan para mapatotoohan sinda. Nagpapahiling si Jehova nin mamumuton na pagmalasakit sa mga buta. (Le 19:14) Maaarog ta man an saiyang halimbawa kun magibo kita nin paagi para tabangan an mga buta na makanuod manungod saiya.

KUN PAANO GIGIBUHON:

• “Hanapon” an mga buta. (Mat 10:11) May kabisto ka daw na may kapamilyang buta? Igwa daw sa saindong teritoryo nin eskuwelahan, nursing home, o iba pang pasilidad na gustong magkaigwa nin mga publikasyon na para sa mga buta?

• Magpahiling nin personal na interes. An saimong sinserong pakikiamigo asin pagpapahiling nin interes makakatabang para magin pamugtak an buot saimo kan sarong buta. Hinguwahon na makapuon nin pag-uulay gamit an mga temang pinagkakainteresan kan mga tawo sa saindong teritoryo

• Magtao nin espirituwal na tabang. Tanganing matabangan an mga may diperensiya sa paghiling, naggibo an organisasyon nin mga literatura sa manlain-lain na format. Haputon siya kun arin sa mga iyan an mas gusto niyang gamiton sa pag-adal. Sisiguraduhon kan paraataman sa paglilingkod na nai-request kan literature servant an format kan literatura na gustong makua kan sarong buta