MAGIN ANDAM SA MINISTERYO | MAGIN LALONG MAUGMA SA MINISTERYO
Akuon an Tabang kan mga Kapwa Trabahador
Para tabangan kita, itinao ni Jehova an satong “bilog na kasararuan” nin magturugang. (1Pe 5:9) Matatabangan ninda kita na makaya an mga kadipisilan sa ministeryo. Halimbawa, natabangan si apostol Pablo ni Aquila saka Priscila, Silas, Timoteo, asin kan iba pa.—Gi 18:1-5.
Paano ka puwedeng matabangan sa ministeryo kan mga kapwa trabahador mo? Puwede sindang magtao nin praktikal na mga suhestiyon sa kun paano sisimbagon an mga pagkontra, kun paano madalaw liwat, o maalok saka makondukta nin mga pag-adal sa Bibliya. Maghanap ka sa mga kakongregasyon mo na puwedeng makatabang saimo, tapos magpatabang ka sa saiya. Siguradong pareho kamong makikinabang saka magigin maugma.—Flp 1:25.
HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—AKUON AN TABANG NI JEHOVA—AN SATUYANG MGA TUGANG, DANGAN SIMBAGON AN MINASUNOD NA MGA HAPOT:
Paano ni Neeta hininguwang dagkahon si Jade na mag-atender sa pagtiripon kan kongregasyon?
Taano ta dapat kitang mag-iba nin ibang parahayag sa satong pag-Bible study?
Kaipuhan an tabang kan bilog na kongregasyon para makagibo nin disipulo
Ano an parehong hilig ni Jade saka ni Abigay?
Anong mga kakayahan sa ministeryo an puwedeng maitukdo sa sato kan satong mga kapwa trabahador?